Klodjan Braho prezantohet i fundit: Hetova transfertën 18.4 miliardë lekë që SPAK zbuloi te "Alpha Bank"! Miliardat ishin të Cosa Nostra, Rezart Taçi do i pastronte

Prokurori Klodjan Braho po prezantohet i fundit në listën e kandidatëve që kanë shprehur interes për të marrë drejtimin e Prokurorisë së Posaçme, pas përfundimit të mandatit të Altin Dumanit. Më herët, u prezantuan Adnan Xholi, Doloreza Musabelliu dhe Elvin Gogaj.

Aktualisht, Klodjan Braho po bën një prezantim të karrierës së tij e deri tek nevoja për përmirësime në SPAK.

Ai ka treguar para anëtarëve të Këshillit të Lartë të Prokurorisë, të cilët më vonë këtë të enjte do të votojnë për të ose tre kandidatët e tjerë, se ka drejtuar operacionin për lokalizimin dhe konfiskimin e një transferte prej 18.4 milionë euro në "Alpha Bank" në Tiranë.

Klodjan Braho tregoi se këtë para, ishin nisur nga një organizatë kriminale në Itali dhe në vitin 2023 kur u konfiskuan, përbënin një buxhet dyfish më të madh se ai vjetor që ka SPAK.

Transferta e Cosa Nosta te "Alpha Bank" në Tiranë dhe roli i Rezart Taçit

SPAK dhe autoritetet homologe italiane finalizuan dy vite më parë një operacion që çoi në prangosjen e disa personave dhe sekuestrimin e mbi 18 milionë eurove, të cilat u bllokuan në një bankë të nivelit të dytë në Tiranë. Ato ishin nisur nga Italia dhe do pastroheshin në Shqipëri.

Në vendin tonë u arrestuan kunati dhe shoferi i biznesmenit Rezart Taçi, ndërsa në Itali të prangosur ishin disa. Artur Balla dhe Bledar Lilo, kunati dhe shoferi i Rezart Taçi, janë shpallur fajtorë për "Pastrim parash"nga Gjykata e Posaçme dhe janë dënuar të dy me 21 vite burg në total. Vetë biznesmeni është shpallur në kërkim ndërkombëtar.

18.4 milionë euro të mafies italiane "Cosa Nostra" u bllokuan në nëntor 2021 dhe sipas SPAK, Rezart Taçi do t'i pastronte përmes lëvizjes në disa banka në disa shtete dhe do merrte përqindjen. Konkretisht 16%.

Nga hetimet e SPAK, Artur Balla dhe Bledar Lilo kanë pasur një rol aktiv për të ndihmuar italianët Francesco Zummon dhe ekonomistin Fabio Petruzzella-n, të dy të arrestuar në Itali, të hapnin llogari bankare dhe të bënin transferta parash për pastrimin e tyre.

Ky rast është pasqyruar dhe në raportin vjetor të punës së Prokurorisë së Posaçme, në vitin 2024, ku tregohet rruga që ka ndjekur transferta e parave, të cilat rezultojnë se i përkisnin bandës mafioze famëkeqe italiane "Cosa Nostra".

Pastrimi i parave nga organizatat kriminale ndërkombëtare

"Duhet cilësuar se, një nga skemat komplekse të pastrimit të parave është ajo e përdorimit të institucioneve shqiptare bankare, si vend tranziti dhe përdorimi i subjekteve tregtare shqiptare, si “ndërmjetëse” të pastrimit të parave nga organizatat kriminale ndërkombëtare, siç është rasti i mafias Italiane. Përfaqësuesit e bizneseve të ligjshme shqiptare në rolin e “ndërmjetësve” profesionistë kanë ndihmuar në krijimin e aksesit në sistemin bankar shqiptar, i cili do të përdorej për të kryer “shtresëzimin” e transfertave bankare për të kaluar ato më pas në vende të tjera.

Rasti me tipik është ai i një individi, i cili pastronte para për llogari të Cosa Nostra në Itali. Skema e pastrimit të parave konsistonte në kalimin e parave nga fondacioni i themeluar prej tij me qendër në Lihtenshtajn, por me llogari bankare të çelur në Zvicër. Paratë fillimisht u transferuan nga llogaria e fondacionit në llogarinë e tij personale, po në të njëjtën bankë në Zvicër. Prej aty, me lidhjet e krijuara me një shoqëri tregtare në Shqipëri, e cila luante rolin e “ndërmjetësuesit” profesionist, paratë do të vinin fillimisht në llogarinë e tij personale të çelur në një bankë të nivelit të dytë në Shqipëri.

Me pas këto para do ti kalonin shoqërisë tregtare shqiptare, që merrej me tregtinë e karburanteve në formë huaje dhe kjo kompani do t’i transferonte në Hong Kong tek një shoqëri tjetër tregtare, që do të shërbente si “garantuese” për kryerjen e transanksioneve fiktive për blerje karburantesh. Për këtë shërbim shoqëria tregtare shqiptare do të përfitonte 16% (afërsisht 3 milion Euro) të vlerës së parave që do të pastroheshin", thotë raporti.

Po ndodh...

14:15 AKTUALITET

Garon për kreun e SPAK, prokurori i posaçëm: Kam ndjekur hetime dhe për zyrtarë të lartë

14:05 POLITIKË

PD për Avokatin e Popullit/ Berisha: Endri Shabani ja dhamë firmat se mbështeti Florian Binajn, po pastaj zbuluam se është i Ramës!

14:00 BOTA

Protestuesit fitojnë, kryeministri bullgar jep dorëheqjen

13:41 AKTUALITET

Droga në shitje te Komuna e Parisit, arrestohen në flagrancë 2 shtetas

13:18 AKTUALITET

Kandidati i tretë në garën për drejtimin e SPAK, Gjokaj në KLP: Veprimtaria ime do të fokusohet në tri shtylla

13:10 POLITIKË

Me 77 vota pro, mazhoranca rrëzon kërkesën e opozitës, Avokati i Popullit zgjidhet sot

12:58 EKONOMI&SOCIALE

Dhoma Amerikane kundër paqes fiskale: Nxit pastrimin e parave, legalizon kapitalin e dyshimtë

12:54 POLITIKË

"Paqja fiskale" e Ramës, reagon e shqetësuar BE: Shqipëria të avancojnë luftën kundër krimit të organizuar

Nga Gentian Gaba 12:45 EDITORIAL

Amerika mund të tërhiqet nga Europa, por jo nga SPAK

Nga Gentian Gaba

Nga Patrik Sadikaj 12:44 IDE

Dy rrugët e gabuara të opozitës me Avokatin e Popullit

Nga Patrik Sadikaj

12:39 SHOWBIZ

Princ Leka dhe Blerta Celibashi tregojnë tiparet që i bënë të dashuroheshin me njëri-tjetrin

12:31 AKTUALITET

"Si do më trajtonit nëse do ju kërkoja një favor?" Përgjigjja e kandidates për kreun e SPAK shkakton të qeshura: Kafen nuk ta ofroj!

12:26 POLITIKË

I dha firmën, Flamur Noka bëhet "pishman" për Endri Shabanin: Nuk mbështesim lepurin e Surrelit!

12:13 AKTUALITET

Rrëzohet nga kati i tretë i kantierit, 51-vjeçari në gjendje kritike

Dua të lexoj më shumë lajme