Pas 6 orësh intervistim, KLP zgjedh kreun e ri të SPAK! Kush është pasuesi i Altin Dumanit?

Pasues i Altin Dumanit si kreu i ri i Prokurorisë së Posaçme është zgjedhur Klodjan Braho, me 7 vota.

Kandidati tjetër Adnan Xholi mori 3 vota. 1 votë shkoi për Elvin Gokaj. Ndërsa Doloreza Musabelliu nuk mori asnjë votë.

Klodian Braho do të ketë një mandat 3-vjeçar si drejtues i SPAK, duke pasuar në këtë detyrë Altin Dumanin.

Kush është Klodian Braho?

Klodian Braho është prokuror i SPAK. Ai u emërua në këtë institucion më 19 dhjetor 2019, pas konfirmimit në detyrë nga Komisioni i Pavarur i Kualifikimit në kuadër të procesit të rivlerësimi ose ndryshe siç quhet, procesi i vettingut.

Braho ka hyrë në sistemin e drejtësisë më 14 nëntor 2007, pas përfundimit të studimeve në Fakultetin e Drejtësisë në Universitetin e Tiranës dhe Shkollën e Magjistraturës.

Karrierën si prokuror e nisi në Prokurorinë pranë Gjykatës së Rrethit Gjyqësor Berat, ku punoi deri në vitin 2012. Më pas u transferua në Prokurorinë e Vlorës, ku ushtroi detyrën deri në vitin 2015, përfshirë një periudhë si zëvendësdrejtues i këtij institucioni.

Në vitin 2015, Braho u emërua në Prokurorinë për Krime të Rënda në Tiranë, ku u përfshi në hetime të çështjeve me karakter të veçantë penal. Pas shpërbërjes së kësaj prokurorie dhe krijimit të SPAK, ai u emërua prokuror në strukturën e re.

Gjatë karrierës së tij, Braho ka qenë pjesë e hetimeve që lidhen me zyrtarë të lartë dhe subjekte të dyshuara për krim të organizuar. Ndër dosjet që ka ndjekur përmendet ajo ndaj ish-kryeprokurorit Adriatik Llalla.

Në korrik të vitit 2019, Komisioni i Pavarur i Kualifikimit e konfirmoi në detyrë me vendimin nr. 191, duke i hapur rrugë emërimit në SPAK.

Në vitin 2022, ai u përfshi në procesin e kandidimit për postin e kreut të SPAK, por më pas u tërhoq nga gara.

Në mars të vitit 2023, Braho dha dorëheqje nga një pjesë e një dosje që kishte në hetim, në lidhje me çështjen e inceneratorëve, pas pretendimeve të ngritura nga palë të përfshira për mungesë transparence në veprimet procedurale.

Aktualisht, Klodian Braho vijon të ushtrojë funksionin si prokuror i posaçëm në SPAK. Braho ka qenë kandidati i parë i paraqitur për kreun e SPAK.

vijon...

Po ndodh...

17:14 Fjalëkryq

Skemë kampionësh 11 dhjetor

16:14 SPORT

“Ismajli dhe Asllani? Merkato nuk ka sjellë rezultate”, Presidenti i Torinos me kritika

16:09 EKONOMI&SOCIALE

Mbi 45% e shqiptarëve blenë online gjatë vitit 2025/ Rrobat dhe ushqimi dominojnë porositë. Rriten aftësitë teknologjike në vend

16:04 JETË

Studimi: Personat që lënë rrëmujë kudo kanë intuitë më të fortë se të tjerët

16:01 SPORT

Mbrëmja Gala/ Njihuni me 4 lojtaret e nominuara për “Topin e Artë 2025”

Nga Sidi Hasanaj 15:57 IDE

Kush është Lepuri i Surrelit?

Nga Sidi Hasanaj

15:52 AKTUALITET

BE përshëndet zgjedhjen e kreut të ri të SPAK, Gonzato: Përgëzoj Klodian Brahon dhe presim bashkëpunimin e tij në vijim

15:50 AKTUALITET

Klodjan Braho mori mbështetjen më të madhe, si u ndanë votat për kreun e ri të Prokurorisë së Posaçme

15:33 AKTUALITET

U zgjodh në krye të SPAK, cilat janë dosjet “e zjarrta” që ka hetuar Klodian Braho

15:06 AKTUALITET

KLP mblidhet të marrë vendimin, Braho përjashton Policinë e Shtetit: S’do të kemi nevojë për ta, kemi strukturën tonë

15:01 POLITIKË

EMRI/ Zgjidhet gjyqtarja e Apelit të GJKKO-së që do shqyrtojë ankimimin e Ballukut

14:59 AKTUALITET

Prej 6 orësh në proces intervistimi para KLP, si pritet të bëhet votimi i kreut të ri të SPAK

14:40 BOTA

Reshje ekstreme në SHBA, përmbyten disa zona dhe evakuohen mijëra banorë

14:26 SPORT

Nga trashëgimia e Gasperinit te Paladino, Atalanta jep sinjale të forta me kampionët e Botës

Dua të lexoj më shumë lajme