Lajme flash
Pilaf me stafidhe dhe zoçka pule
1 Dhjetor 2025, 10:13 / RECETA ALFA
Përbërësit:
2 zoçka
3 filxhanë çaji oriz
6 lugë gjalpë
1 qepë mesatare
2-3 thelpinj hudhër
1 filxhan çaji stafidhe
3 lugë miell
1 lugë me bahar
Kripë dhe piper
Përgatitja:
Pasi i pastrojmë zoçkat i presim në katër copa secila, i lajmë, i kullojmë mirë dhe i spërkatim me kripë e piper. Shkrijmë gjalpin dhe sapo të nxehet, shtojmë zoçkat që të marrin një skuqje të lehtë së bashku me qepën e prerë hollë dhe hudhrat. Sapo të marrin ngjyrë të artë shtojmë miellin, baharin dhe stafidhet e lara. I përziejmë të gjitha 2–3 herë me lugë druri që mielli të bashkohet mirë me përbërësit. Rregullojmë shijen me kripë, hedhim ujë të ngrohtë, vendosim kapakun dhe e lëmë të ziejë në zjarr të ngadaltë derisa mishi të zbutet dhe lëngu të trashet në një salcë të butë. Ndërkohë përgatisim pilafin, hedhim orizin e larë në ujë të vluar me kripë dhe pasi të ziejë në gjysmën e kohës e kullojmë. Më pas e shpëlajmë me ujë të ftohtë, e kullojmë sërish dhe e përziejmë lehtë që të ndahet kokërr më kokërr, duke u bërë një pilaf i thatë dhe i rrumbullakët. Kur mishi është gati e heqim nga tenxherja dhe e vendosim në mes të pilafit në formën e një kodre të vogël. Pjatën e zbukurojmë me pak stafidhe dhe sipër hedhim salcën e përgatitur dhe e shërbejmë të ngrohtë.
Receta nga Zonja Albana, emisioni "Rreze Dielli"
Po ndodh...
Karmën nuk e ndalon dot Sali Berisha!
Nga Bato Kosova
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128