Kush është Lepuri i Surrelit?

Brenda vetëm 24 orëve, Partia e Berishës dhe ajo e Edi Ramës arritën sërish të ekspozohen në formën më të shëmtuar, duke treguar një sinkronizim të frikshëm në hipokrizi, mashtrim dhe klientelizëm.

Episodi i parë ka protagonist Gazment Bardhin, i cili shpërtheu publikisht ndaj Grida Dumës, duke e akuzuar për shpifje. Pse?
Sepse në emisionin e saj, përmes deklaratave të Myslim Murrizit, u tha e vërteta e thjeshtë: amendamenti i Bardhit parashikonte një amnisti fiskale nga e cila Bankers Petroleum përfitonte drejtpërdrejt.

Bardhi u hodh me vrull si lepur veshgjatë dhe publikoi foton e propozimit të tij, sulmoi Dumën dhe veshi kostumin e viktimës.

Por ja ku qëndron hileja që nuk e tregon Gazi:

Në versionin fillestar, dy javë më parë, amendamenti i tij nuk i përjashtonte kompanitë e hidrokarbureve. Zero përjashtim.

Vetëm pasi Lym Murrizi e denoncoi publikisht, Bardhi si një lepur që e trembin dritat, u hodh me nxitim ta modifikonte tekstin dhe t’i përjashtonte me ngut e padëshirë kompanitë e naftës.

Por loja e tij nuk mbaron këtu:

Po kompanitë e tjera, përfitojnë ato Gazi?

Për shembull Kurum SH.A., një kompani me histori të gjatë problemesh fiskale, gjyqësore dhe mjedisore?

Përgjigjja është: PO.
Madje versioni aktual i amendamentit të Bardhit duket si i qepur me dorë për Kurumin.
Një rastësi e shëmtuar për një kompani me të cilën Bardhi njësoj si Berisha ka pasur lidhje, raporte lobimi korruptiv e interesa politik.

Kjo e kthen pyetjen e Gridës në një shuplakë direkte për faqet e lepurushit Gaz:

Si ka mundësi që opozita që akuzon Ramën për “paqen fiskale” si përkrahje korruptive me bizneset e PS-së… të jetë vetë e para që propozon falje të tjera për kompanitë klienteliste të Ramës?! Apo te Kurumi ha dhe PS dhe PD?!

E gjithë kjo është një operetë e mjerë, një teatër lepujsh politikë, që ditën bëjnë moral, kurse natën mesa duket flenë në Surrel.

Akti i dytë: Teatri i PD me Avokatin e Popullit

Nuk mbaron këtu.
Komedia vazhdon me firmat për Avokatin e Popullit.

Pasi nënshkruan për Endri Shabanin, 30 e ca deputetë të PD-së , nga Agron Gjekmarkaj, tek Flamur Noka, Tabaku, Zhupa, Bylykbashi, Balliu e të tjerë, papritur vendosën të tërhiqnin firmat.

Qesharakë.Absurdë. Në kufijtë e estradës politike.

Flamur Noka, njeriu që dikur e quante Shabanin “doktorin e Sorosit nga Oksfordi”, papritur e firmosi si Avokat të Popullit. Pastaj, pasi e bëri turpin lemsh, gjeti fajtor PS-në për… firmat e veta!

Dhe Oerd Bylykbashi, që u mburr para pak ditësh se s’kishte qenë në rrëzimin e bustit të Enverit në ’90, por kishte qenë në “rrëzimin e bustit të Lulzim Bashës” më 8Janar, harroi të firmoste Besim Ndregjonin si njeri i shtresës së antikomunizmit dhe firmosi Endri Shabanin.

Oerd, ti je aq lepur, sa jo vetëm s’do kishe guxuar kurrë të dilje kundër Enverit, por sot ndihmon në ngritjen e bustit të Berishës :vazhdimësia më e pastër e mentalitetit të vjetër Hoxhist!

Pa një bust te këmbët e të cilit të mbështesni kokën, lepuj si puna jote nuk frymojnë dot politiksiht.

Akti i tretë: Pasardhësi i Altin Dumanit në SPAK

Skena e tretë është edhe shuplaka më e fortë për Ramën dhe Berishën.

E gjithë administrata amerikane, nga sekretari i shtetit Marco Rubio, te Ambasada në Tiranë shprehu publikisht vlerësimet më të larta për Altin Dumanin.

Administrata Trump e përgëzoi, e takoi dhe e mbështeti hapur.

Altin Dumani që arrestoi Berishën, që nxori Ilir Metën “si lepur nga veshët” dhe e futi në kafaz, sot duartrokitet nga amerikanët.

Dhe Berisha, që dikur e quante “Altinin Troplinin e Sorosit”, “bastardin e partisë” dhe “altinin me pantallona të Kimetes”, sot hesht si lepur i trembur.
Përse Sali Lepuri nuk i sqaron demokratët, përse Administrata anti -soros e Trump po përkrah kaq fortë Altin Dumanin?

Po ashtu Edi Rama, që brohoriste si lepur i ngazëllyer se “amerikanët u larguan nga SPAK”, sot e ka gojën mbyllur, teksa e gjithë trupa diplomatike amerikane ndodhet në KLP për të zgjedhur drejtuesin e ri të SPAK-ut.

Me sa duket Lepujt qenkan shumë.
Të gjithë kanë frikë nga drejtësia, të gjithë kanë interesa të përbashkëta financiare, dhe të gjithë natën shtrihen në të njëjtin zgavërr politike : Në Surrel, bashkë me Edi Ramën.

Po ndodh...

17:14 Fjalëkryq

Skemë kampionësh 11 dhjetor

16:09 EKONOMI&SOCIALE

Mbi 45% e shqiptarëve blenë online gjatë vitit 2025/ Rrobat dhe ushqimi dominojnë porositë. Rriten aftësitë teknologjike në vend

16:04 JETË

Studimi: Personat që lënë rrëmujë kudo kanë intuitë më të fortë se të tjerët

16:01 SPORT

Mbrëmja Gala/ Njihuni me 4 lojtaret e nominuara për “Topin e Artë 2025”

15:52 AKTUALITET

BE përshëndet zgjedhjen e kreut të ri të SPAK, Gonzato: Përgëzoj Klodian Brahon dhe presim bashkëpunimin e tij në vijim

15:50 AKTUALITET

Klodjan Braho mori mbështetjen më të madhe, si u ndanë votat për kreun e ri të Prokurorisë së Posaçme

15:33 AKTUALITET

U zgjodh në krye të SPAK, cilat janë dosjet “e zjarrta” që ka hetuar Klodian Braho

15:14 AKTUALITET

Pas 6 orësh intervistim, KLP zgjedh kreun e ri të SPAK! Kush është pasuesi i Altin Dumanit?

15:06 AKTUALITET

KLP mblidhet të marrë vendimin, Braho përjashton Policinë e Shtetit: S’do të kemi nevojë për ta, kemi strukturën tonë

15:01 POLITIKË

EMRI/ Zgjidhet gjyqtarja e Apelit të GJKKO-së që do shqyrtojë ankimimin e Ballukut

14:59 AKTUALITET

Prej 6 orësh në proces intervistimi para KLP, si pritet të bëhet votimi i kreut të ri të SPAK

14:40 BOTA

Reshje ekstreme në SHBA, përmbyten disa zona dhe evakuohen mijëra banorë

14:26 SPORT

Nga trashëgimia e Gasperinit te Paladino, Atalanta jep sinjale të forta me kampionët e Botës

14:23 AKTUALITET

Klodjan Braho prezantohet i fundit: Hetova transfertën 18.4 miliardë lekë që SPAK zbuloi te "Alpha Bank"! Miliardat ishin të Cosa Nostra, Rezart Taçi do i pastronte

Dua të lexoj më shumë lajme