Lajme flash
“Ka dëshmitarë të shantazhuar nga Balluku, hetimi pasuror ka avancuar”/ Poli Hoxha: Nëse Këshilli i Mandateve nuk mblidhet, rrezikon akuza nga SPAK!
13 Shkurt 2026, 22:30 / POLITIKË
Gazetari Poli Hoxha, i ftuar në emisionin Kjo Javë në News24, ka folur për zhvillimet rreth çështjes së Belinda Balluku, pas pezullimit të saj nga detyra dhe kërkesës së SPAK për arrestimin e saj.
Sipas Hoxhës, hetimet ndaj Ballukut kanë ecur me shpejtësi dhe, sipas tij, ka shumë dëshmitarë të dorës së parë, për të cilët pretendon se janë shantazhuar. Ai deklaroi gjithashtu se kanë ardhur informacione edhe nga agjenci ndërkombëtare për disa çështje që lidhen me këtë hetim.
Hoxha u shpreh se situata mund të duket si pabarazi në tendera, por sipas tij korrupsioni po del në pah nga hetimi i pasurisë, ku pretendon se hetuesit kanë avancuar ndjeshëm, edhe me ndihmën e agjencive të huaja.
Ai deklaroi se pas vendosjes së masës së arrestit, masat e mëvonshme kanë ndryshuar situatën procedurale, ndërsa theksoi se çështja tashmë është kthyer edhe në betejë politike. Sipas tij, mbetet për t’u parë nëse Partia Socialiste e Shqipërisë do të rreshtohet në mbrojtje të Ballukut dhe kryeministrit Edi Rama.
Gazetari shtoi se, sipas interpretimit të tij, nëse përdoren vonesa procedurale për kërkesën e SPAK, anëtarët e Këshilli i Mandateve mund të rrezikojnë akuza për pengim të drejtësisë. Ai tha se, sipas tij, prej disa javësh, përveç anëtarëve të opozitës, deputetët e mazhorancës në këtë këshill nuk kanë marrë dosjen e Ballukut për shqyrtim.
Po ndodh...
ide
Kur banditët rrethohen nga budallenjtë!
Nga Irena Beqiraj
Po Berisha, a i mban mend protestat e Bashës?
Nga Ermal Peçi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128