Kurti: Të akuzuarit për shpërthimin në Ibër-Lepenc të lidhur me shtetin e Serbisë

Kryeministri i Kosovës në detyrë, Albin Kurti, tha të mërkurën se të dhënat e inteligjencës tregojnë se tre serbët e akuzuar për shpërthimin në kanalin jetik të ujit, Ibër-Lepenc, kanë qenë të lidhur ngushtë me strukturat shtetërore të Serbisë.

Një ditë më parë, prokurorët e Kosovës ngritën aktakuzë ndaj Jovan Viqentijeviç, Dragisha Viqentijeviç dhe Igor Dimoviç për shpërthimin e vitit të kaluar në kanalin e ujit që furnizon dy termocentralet kryesore të vendit.

Ata akuzohen se shpërthyen 20 kilogramë të llojit TNT në kanal, duke dëmtuar strukturën e tij prej betoni, ndërprerë furnizimin me ujë të pijshëm dhe duke penguar sistemin e ftohjes për termocentralet me qymyr, gjë që ngriti shqetësime për ndërprerje të rrymës.

Që të tre janë arrestuar pas sulmit.

Në një shkrim në Facebook të mërkurën mbrëma, Kurti i përsëriti deklaratat e mëparshme se “sulmi ka ardhur nga Serbia, fqinji ynë verior, agresiv e armiqësor”.

“Tashmë është në rrugë të mbarë hetimi i këtij rasti, ku janë siguruar prova se pikërisht tre serbët e akuzuar ishin në vendin e ngjarjes natën kritike, për ç’gjë falënderoj institucionet përkatëse të Republikës së Kosovës dhe FBI-në nga Shtetet e Bashkuara të Amerikës për punën profesionale të kryer në këtë rast”, tha Kurti.

Ai nguli këmbë se gjykimi në këtë rast “do ta dëshmojë se të akuzuarit ishin pjesë e strukturave ilegale të Serbisë, të lidhur ngushtë me mikun e (presidentit të Serbisë Aleksandër) Vuçiçit, terroristin Millan Radoiçiç, dhe strukturat tjera shtetërore të Serbisë që planifikuan dhe urdhëruan sulmin terrorist”.

Kurti po i referohej ish-nënkryetarit të Listës Serbe, partisë më të madhe të serbëve në vend, Millan Radoiçiç, të cilin autoritetet kosovare e kërkojnë me fletarrestim për vepra të ndryshme penale, përfshirë për një sulm vdekjeprurës kundër Policisë së Kosovës në veri të vendit më 2023.

Radoiçiçit e mori përgjegjësinë për atë sulm ku u vra një rreshter kosovar dhe tre sulmues serbë.

Po ndodh...

00:01 Fjalëkryq

Skemë e lirë 11 dhjetor

22:56 BOTA

CIA dhe shërbimi turk planifikojnë bazë të fshehtë ajrore në Qipro

22:48 POLITIKË

Murrizi shpërthen ndaj PD-së për Avokatin e Popullit: Ata që hedhin firmat e kryetarit janë ushtarë

22:35 POLITIKË

Kush do zgjidhet kreu i ri i SPAK? Lala: Ka përplasje mes qeverisë e ndërkombëtarëve

22:28 SHOWBIZ

Pas Spanjës e Irlandës, një tjetër shtet tërhiqet nga Eurovision për shkak të Izraelit

22:21 POLITIKË

Takimet e Salianjit dhe Alimehmetit, ja si i komenton Belind Këlliçi

22:17 POLITIKË

Avokati i Popullit/ Lapaj shpërthen ndaj Endri Shabanit: Njeri pa karakter, i përdorur nga Rama

22:14 POLITIKË

Adriatik Lapaj tregon ftesën që mori: Edi Rama ka kërkuar në Qershor të bëhemi pjesë e një qeverie me bazë të gjerë

22:08 POLITIKË

Belind Këlliçi sqaron mesazhet e publikuara në media: Tentativë e sponsorizuar për të më baltosur, po ndjek rrugën ligjore

21:58 SPORT

Gerrard komenton: Salah ka bërë gabim, të kthehet në rrugën e duhur

21:45 AKTUALITET

Karamuço jep detaje për operacionin në Fushë Krujë: 3 persona janë larguar drejt Dubait

21:42 BOTA

Arrestohet ish-presidenti bolivian Luis Arce

21:25 BOTA

SHBA, Trump ashpërson rregullat për turistët, para hyrjes duhet të dorëzojnë historikun 5-vjeçar të rrjeteve sociale

20:59 BOTA

“Mjaft me korrupsion”/ Protesta masive në Bullgari, kërkohet dorëheqja e qeverisë

Dua të lexoj më shumë lajme