FLASH NEWS
He harassed his girlfriend in a bar/ Injury in Shijak, the perpetrator took his cousin and raped the 45-year-old
2026-01-28 10:50:43 / AKTUALITET
Një 45-vjeçar është plagosur me armë zjarri në Shijak, mbrëmjen e djeshme.
Sipas njoftimit të policisë ai është konfliktuar me dy kushërinj dhe më pas situata ka degraduar në përdorimin e armës së zjarrit.
Ndërkohë që detaje të reja kanë dalë në dritë lidhur me plagosjen e ndodhur mbrëmjen e kaluar në Shijak, ku mbeti i plagosur shtetasi Denis Çumani.
Sipas burimeve nga grupi hetimor, shkak i konfliktit dyshohet të ketë qenë një vajzë. Hetimet tregojnë se i plagosuri kishte ngacmuar një vajzë, e cila ndodhej në një lidhje me shtetasin Dorian Ferra.
Në momentin e ngjarjes, Dorian Ferra ndodhej në një lokal së bashku me vajzën, ndërsa kjo e fundit po merrte vazhdimisht mesazhe nga Denis Çumani, të cilat ajo i kishte fshirë për të shmangur përplasjen. Pas insistimit të Ferrës për të mësuar identitetin e personit që po i shkruante, ai është vënë në dijeni për situatën.
Më pas, Dorian Ferra, së bashku me kushëririn e tij Indrit Ferra, janë drejtuar drejt banesës së Denis Çumanit, ku dyshohet se e kanë dhunuar fillimisht me grushte dhe shkelma.
Sipas hetimeve, autorët e dyshuar i kanë vendosur armën e zjarrit fillimisht në kokë dhe më pas në brinjë, duke e qëlluar një herë dhe duke e lënë të plagosur rëndë.
I dëmtuari u transportuar fillimisht në spitalin e Durrësit dhe më pas është dërguar me urgjencë në Spitalin e Traumës në Tiranë, ku ndodhet në gjendje të rëndë shëndetësore.
Ndërkohë, dy kushërinjtë Ferra janë larguar nga vendngjarja dhe vijojnë të jenë në kërkim, ndërsa Policia, në bashkëpunim me Prokurorinë, po punon për lokalizimin dhe arrestimin e tyre, si dhe për dokumentimin e plotë ligjor të kësaj ngjarje.
Happening now...
The revolution is over, Edi Rama continues calmly
Nga Bato Kosova
ideas
top
TRENDING 
services
- POLICE129
- STREET POLICE126
- AMBULANCE112
- FIREFIGHTER128