Zjarri masiv mbulon rafinerinë e naftës në Kurdistan, flakët sfidojnë zjarrfikësit

13 Qershor 2024, 09:36 / BOTA ALFA PRESS

Zjarri masiv mbulon rafinerinë e naftës në Kurdistan, flakët

Më shumë se 30 zjarrfikëse zbarkuan të enjten në mëngjes në Erbil të Kurdistanit për të shuar një zjarr masiv që përfshiu rafinerinë lokale të naftës.

Forcat civile të mbrojtjes thanë se një shpërthim i papritur në cisternën e naftës brenda rafinerisë stimuloi përhapjen e flakëve me shpejtësi në ambientet përreth. Incidenti ndodhi në zonën e Al-Kuverit.

"Isha afër rafinerisë kur dëgjova zhurmën e fortë të shpërthimit," tha një dëshmitar i plagosur, ndërsa shumë persona të tjerë në orarin e punës paraqitën probleme të frymëmarrjes.

Zona ku u përhapën flakët shërben për nxjerrjen dhe rafinimin e naftës. Ndërtimi i tyre kompleks bëri që operacionet e shuarjes të zgjasin disa orë.

Në muajin tetor një zjarr përfshiu edhe fabrikën e asfaltit në qytezën e Arbatit, duke i marrë jetën një punëtori. Ndërsa të dielën, në një fshat në jug të Sulajmanit vrau rreth 300 bagëti.

Sipas të dhënave nga Policia Rajonale e Kurdistanit, në vitin 2022 në vend u raportuan 7.546 incidente me zjarrin.

 

Po ndodh...