Lajme flash
KËMBANË ALARMI/ Të rinjtë braktisin degët prioritare universitare! Vetëm 5 studentë të regjistruar në fizikë dhe 9 në kimi
23 Shtator 2024, 09:47 / EKONOMI&SOCIALE
Të rinjtë braktisin degët prioritare të mësuesisë në Universitete.
Në Fakultetin e Shkencave të Natyrës regjistrimet në këto programe studimi numërohen me gishtat e dorës. Vetëm 5 të rinj janë regjistruar deri tani për degën e Fizikës, 9 për Kimi, 23 në degën e Matematikës dhe pak më tepër në Biologji.
Fakultetet e mësuesisë jo vetëm nuk po plotësojnë dot nevojat e shkollave për mësues, por rrezikojnë ekzistencën përballë degëve dhe porfesioneve më të paguara nga tregu i punës.
Për drejtues të shkollave të larta ky nuk është vetëm një problem shqiptar. E kundërta ndodh me degët e informatikës, të inxhinierisë matematike e fizike në këtë fakultet.
Dekania e Shkencave të Natyrës Eglantina Kalluci thotë se kuota në këto programe thuajse janë plotësuar. Shkollat e larta janë në raundin e dytë te regjistrimeve për plotësimin e kuotave të mbetura bosh. Afro 84% e aplikantëve janë regjistruar në universitete.
Ndërkohë në degët prioritare, këtë vit do të ketë një politikë të re të mbështetjes financiare të studentëve. Bursën e prej 40 mijë lekësh do të përfitojnë të gjithë studentët e vitit të parë, por nëse në vitet pasardhëse nuk ruajnë mesataren 8, bursa do të përshkallëzohet me rënie në vlerë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128