Lajme flash
Pse asfaltimi i rrugëve në Tiranë ndaloi në 14 maj?!
27 Maj 2023, 14:59 / AKTUALITET
Bashkia Tiranë duket se e ka mbaruar propagandën e asfaltit elektoral.
Po ta krahasojmë me një muaj më parë, sot zhurmat e kamionëve dhe fadromave nuk dëgjohen askund.
Aksioni i asfaltit elektoral u përdor gjatë muajit prill dhe fillimin e majit, si një lloj propagande për të marrë votat e qytetarëve të Tiranës, por siç duket ky asfaltim i shpejtë solli dhe një reagim të qytetarëve të cilët e shihnin rrugën e pashtruar në mëngjes dhe e gjenin me asfalt kur ktheheshin.
E ndoshta kjo solli dhe lënien e tij në mes, pasi Tirana kutërbonte prej 1 muaji era zift.
E vërteta në fakt është se asfalti përveç se rezulton jo cilësor, është hedhur pa projektimet e duhura, çka ka çuar në shpenzime të kota nga ana e bashkisë, sepse rikualifikimet e rrugëve do të çojnë në heqjen e tij.
1 miliard lekë, ose rreth 8 milionë euro janë dhënë vetëm për shtrimin e akseve të amortizuara. Sipas të dhënave zyrtare në prokurim janë hedhur thuajse të gjitha zonat e Tiranës, por askund nuk shihet cilësi apo projektime të duhura pasi asfalti është hedhur diku me pakicë, e diku ku nuk duhej me shumicë.
Kështu Bashkia nga dëshira për të hedhur asfalt elektoral që të mbyllte gropat e Tiranës, dështoi me sukses në asfalt që po gërryhet pa kaluar ende një muaj.
Nga foto e mëposhtme duket se asfalti është fare pa projekt dhe nuk ka vazhduar, duke lënë kështu vetëm disa pika ose njolla të vogla asfalti në rrugët e Tiranës.
Pyetja që kërkon sot përgjigje është përse sot në Tiranë nuk sheh asnjë punim?
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128