Lajme flash
Aksidentoi për vdekje një person me makinë dhe u largua, arrestohet 35-vjeçari
2 Qershor 2023, 13:00 / AKTUALITET
Një 35-vjeçar është arrestuar nga policia, pasi dy ditë më parë aksidentoi një 38-vjeçar – i cili për pasojë ndërroi jetë – dhe u largua nga vendi i ngjarjes.
Aksidenti ndodhi më 31 maj, në aksin rrugor Fushë Mamurras-Adriatik, në vendin e quajtur “Presa e Bamit”, ku shtetasi A. C. 38 vjeç, banues në Adriatik, po lëvizte me biçikletë. Ai është gjetur nga kalimtarët dhe më pas është transportuar në spital, por si pasojë e lëndimeve të rënda fizike të marra, ka ndërruar jetë.
“Si rezultat i veprimeve hetimore dhe procedurale intensive të kryera nga shërbimet e policisë rrugore në bashkëpunim me shërbimet e Komisariatit të Policisë Kurbin, është bërë i mundur identifikimi dhe arrestimi i drejtuesit të automjetit që shkaktoi aksidentin, shtetasit S. R., 35 vjeç, banues në Kurbin. Gjithashtu, në cilësinë e provës materiale është gjetur dhe sekuestruar automjeti tip “Benz” që drejtonte shtetasi S. R., në momentin e aksidentit”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128