Lajme të mira për Ancelotti-n, Real Madrid rifiton sulmuesin titullar

8 Dhjetor 2023, 00:03 / SPORT ALFA PRESS

Lajme të mira për Ancelotti-n, Real Madrid rifiton sulmuesin titullar

Lajme të mira te Real Madrid.

Në seancën e fundit stërvitore, organikës së trajnerit Carlo Ancelotti-t i është bashkuar edhe Vinicius Jr.

Sulmuesi pësoi një dëmtim në fundin e muajit nëntor kur ishte i grumbulluar me përfaqësuesen e Brazilit, me Vinicius që mbeti i dëmtuar në takimin kundër Kolumbisë.

Mungesa e tij ishte një lajm jo i mirë për të gjithë në shtëpinë e madrilenëve e sidomos për trajnerin italian, por tashmë braziliani ka nisur punën i diferencuar dhe fakti që ai ka nisur të vrapojë është një shenjë që rikthimi i tij do të ndodhë më shpejt se sa ishte planifikuar.

Sa i përket infermierisë, Arda Guler vijon punën në palestër, teksa stafi mjekësor ka komunikuar se afati i rikthimit të tij është brenda dhjetë ditëve të ardhshme.

Në krahun tjetër, gjendja e Tchouamenit duhet vlerësuar, edhe pse ai ka nisur punën individuale, francezi do të kryejë përsëri ekzaminimet e nevojshme për të kuptuar më shumë mbi gjendjen e tij.

Pra, vetëm Arda Guler mund të prekë fushën e blertë për ndeshjet e mbetura të këtij viti 2023 me Real Madrid që do të luajë katër ndeshje, duke nisur nga ajo e kampionatit përballë Betis, e më pas në Champions League përballë Union Berlin në transfertë dhe për ta mbyllur me dy takimet e La Liga-s kundër Villarreal në Madrid dhe Deportivo Alaves në transfertë.

 

Po ndodh...