Lajme flash
Kategoria Superiore/ Katër gola, por asnjë fitues, Teuta dhe Partizani ndajnë nga 1 pikë
21 Mars 2026, 20:35 / SPORT
Golat nuk munguan në ‘Niko Dovana’ të Durrësit në përballjen mes Teutës dhe Partizanit, por nga ky 90 minutësh nuk doli asnjë fitues, pasi rezultati përfundimtar ishte 2-2 me të dyja skuadrat që morën nga 1 pikë secila.
Ishte Partizani ai që mori avantazhin në këtë ndeshje me Skukën që në minutën e 16 të sfidër, por Teuta, 20 minuta më vonë barazoi gjithçka me golin e Zogos dhe me shifrat 1-1 u mbyll pjesa e parë e ndeshjes.
Në fillimin e 45 minutave të dyta, Teuta përmbysi rezultatin teksa mori avantazhin 2-1 sërish me golin e Zogos. Këtë radhë iu takoi Të Kuqve që të reagonin dhe në fakt të besuarit e Kërnajës e bënë vetëm pak minuta më vonë teksa barazuan me Bytyçin në 2-2.
Në minutat e mbetura gjërat nuk ndryshuan më pavarësisht përpjekjeve dhe kështu skuadrat dolën nga fusha e lojës me nga 1 pikë secila me Partizanin që shkon në 44 pikë duke ruajtur diferencën prej 6 pikësh me Teutën që është ngjitur në 38 pikë.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128