Lajme flash
250 persona kërkojnë ndihmë spitalore çdo ditë në Gjirokastër, dominojnë fëmijët
23 Janar 2025, 21:17 / EKONOMI&SOCIALE
Gripi po prek gjithnjë e më shumë popullatën në këto ditë të ftohta të janarit. Në Gjirokastër çdo ditë kërkojnë ndihmën e mjekut mbi 250 persona, ku dominojnë fëmijet dhe moshat e treta.
Në Gjirokastër 250 persona në ditë të prekur nga gripi paraqiten pranë qendrave shëndetësore dhe spitalit të Gjirokastrës për të marrë ndihmën mjekësore. Specialistët e Shëndetit Publik shprehen së në këtë periudhë ka një rritje të ndjeshme të numrit të pacientëve të prekur nga gripi dhe virozat e stinës.
“Infeksionet respiratore virale përsa i përket numrit të rasteve është e rritur edhe në Gjirokastër, qarkullojnë disa lloje virusesh, duke përfshirë gripin, Covid-19, janë viruse që prekin rrugët respiratore dhe shfaqin klinikë të njëjtë”, tha Bledar Ahmeti, specialist i Shëndetit Publik.
Numri më i madh i personave të prekur janë fëmijët, mosha e tretë si dhe pacientët me sëmundje kronike.
“Problematikat shfaqen tek personat e moshës së tretë të cilët kanë sëmundje bashkëshoqëruese kronike, personat që kanë imunitet të kompromentuar nga sëmundjet tumorale në këto target grupe të popullatës në fëmijët e vegjël apo edhe në gratë shtatzëna”, tha Bledar Ahmeti, specialist i Shëndetit Publik.
Në këto ditë me fluks të shtuar të virozave bluzat e bardha apelojnë për respektimin e masave parandaluese.
“Për tu referuar tek mjeku i familjes dhe ç’është më e rëndësishmja për të marrë masa mbrojtëse dhe parandaluese si evitimi i kontakteve me personat e sëmurë me grip, i ambienteve të mbyllura dhe të mbipopulluara me njerëz, mbajtja e maskës, higjena, distancimi social”, tha Bledar Ahmeti, specialist i Shëndetit Publik.
Në nisje të dimrit në Gjirokastër u aplikuan tek popullata rreth 6 mijë doza të vaksinës antigrip.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128