Lajme flash
Zbardhet biseda në Vatikan, ja çfarë i kërkoi Zelensky presidentit Trump gjatë takimit kokë më kokë
30 Prill 2025, 23:58 / BOTA
Në takimin që patën në Vatikan në funeralin e Papa Françeskut, Volodymyr Zelensky i ka kërkuar Donald Trump të mbajë një qëndrim më të ashpër kundër Rusisë.
Zyrtarët e lartë amerikanë zbuluan se udhëheqësi ukrainas ishte në gjendje të ndikonte te Trump , i cili dukej se po afrohej me Vladimir Putinin.
Të dy presidentët ranë dakord të zhvillonin një takim të shkurtër, 15-minutësh kokë më kokë.
Biseda u zhvillua brenda Bazilikës së Shën Pjetrit, ku të dy udhëheqësit diskutuan luftën Rusi-Ukrainë dhe përpjekjet e Amerikës për t’i dhënë fund asaj.
Dy burime thanë për median amerikane Axios se Zelensky i kishte kërkuar Presidentit Trump të mbante një qëndrim më të ashpër ndaj Putinit.
Udhëheqësi ukrainas thuhet gjithashtu se është tërhequr nga kërkesat e tij për një armëpushim pa kushte, i cili u propozua nga SHBA-të javë më parë, por u refuzua nga Kremlini.
Zelensky i tha Trump se ishte gati të bënte lëshime në një përpjekje për të sjellë paqe në kombin e tij të shkatërruar nga lufta, por kërkoi garanci të forta sigurie në këmbim.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128