Lajme flash
Trump shton presionin: Groenlanda, territor amerikan që prej vitit 2026!
20 Janar 2026, 14:00 / BOTA
Presidenti Donald Trump, i cili ka ushtruar presion që SHBA-ja të blejë Groenlandën, vazhdoi të insistojë për këtë çështje edhe të martën.
“Pata një telefonatë shumë të mirë me Mark Rutte, Sekretarin e Përgjithshëm të NATO-s, në lidhje me Groenlandën. U dakordësuam për një takim të palëve të ndryshme në Davos, Zvicër. Siç ua kam bërë shumë qartë të gjithëve, Grenlanda është thelbësore për Sigurinë Kombëtare dhe Botërore. Nuk ka kthim pas — për këtë, të gjithë janë dakord!” deklaroi presidenti në një pjesë të një postimi në Truth Social.
Trump pritet të flasë në takimin vjetor të Forumit Ekonomik Botëror të mërkurën.
Në një postim tjetër të martën, Trump ndau një grafik që dukej se paraqiste Sekretarin e Shtetit Marco Rubio dhe Zëvendëspresidentin JD Vance duke qëndruar pas tij, ndërsa ai mbante një shtizë me flamurin amerikan pranë një tabele ku Groenlanda përshkruhej si “TERRITOR I SHBA-së, THEM. 2026”.
“Në mënyrë tronditëse, aleati ynë ‘i shkëlqyer’ i NATO-s, Mbretëria e Bashkuar, aktualisht po planifikon t’ia japë ishullin Diego Garcia — vendndodhjen e një baze jetike ushtarake amerikane — Mauriciusit, dhe do ta bëjë këtë PA ASNJË ARSYE,” pohoi presidenti në një postim të veçantë.
“Nxitimi i Mbretërisë së Bashkuar për të dhuruar territor jashtëzakonisht të rëndësishëm është një akt i BUDALLALLËKUT TË MADH dhe është një tjetër arsye, nga një listë shumë e gjatë arsyesh të sigurisë kombëtare, pse Groenlanda duhet të blihet. Danimarka dhe aleatët e saj evropianë duhet të BËJNË GJËNË E DUHUR. Faleminderit për vëmendjen tuaj ndaj kësaj çështjeje,” deklaroi ai.
Javën e kaluar, Trump paralajmëroi tarifa doganore ndërsa vazhdonte të ushtronte presion për çështjen e Grenlandës.
“Duke filluar nga 1 shkurti 2026, të gjitha vendet e përmendura më sipër (Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda) do të ngarkohen me një tarifë prej 10% për çdo mall të dërguar në Shtetet e Bashkuara të Amerikës. Më 1 qershor 2026, tarifa do të rritet në 25%. Kjo tarifë do të jetë e detyrueshme dhe e pagueshme derisa të arrihet një marrëveshje për blerjen e plotë dhe totale të Grenlandës,” deklaroi Trump në një postim të Truth Social më 17 janar.
E marta, 20 janar, shënon një vit nga inaugurimi i Trump më 20 janar 2025./Fox News
Po ndodh...
ide
U katandis lideri historik në një breshkë që ndjek nga pas Salianjin!
Nga Ergys Mërtiri
Kryeministrat dhe Televizioni Publik
Nga Roland Lami
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128