Lajme flash
Trump po mendon t’i tërheq 3 miliardë dollarë nga financimi i Harvardit dhe t’ia japë shkollave tregtare: Investim i madh për SHBA-të
26 Maj 2025, 16:28 / BOTA
Presidenti i SHBA-ve, Donald Trump, deklaroi të hënën se po mendon të marrë 3 miliardë dollarë nga subvencionet që i jepen Universitetit të Harvardit dhe t’ia japë shkollave tregtare në Shtetet e Bashkuara. Ai madje e quajti universitetin “shumë antisemit”.
“Çfarë investimi i madh do të ishte kjo për SHBA-të dhe sa shumë e nevojshme!!!”, theksoi presidenti amerikan në platformën Truth Social.
Vlen të theksohet se presidenti amerikan Donald Trump mbrojti dje vendimin e administratës së tij për të ndaluar studentët e huaj të regjistrohen në Harvard, një masë që u cilësua si e paligjshme nga universiteti i njohur dhe u pezullua nga një gjyqtar.
“Pse Harvard nuk thotë se pothuajse 31% e studentëve të tij vijnë nga VENDE TË HUAJA, dhe megjithatë këto vende – disa prej të cilave nuk janë aspak mike me Shtetet e Bashkuara – nuk paguajnë ASNJË QINDARKË për arsimimin e studentëve të tyre dhe as nuk kanë ndërmend ta bëjnë këtë,” shkroi Trump në Truth Social, platformë e cila është në pronësi të tij.
“Duam të dimë se kush janë këta studentë të huaj – një kërkesë e arsyeshme, duke qenë se po i japim Harvardit MILIARDA DOLLARË – por Harvardi nuk është vërtet transparent,” shtoi ai, duke i bërë thirrje universitetit “të ndalojë së kërkuari” para nga qeveria federale.
Të enjten, Sekretarja për Sigurinë e Brendshme, Kristi Noem, kishte njoftuar heqjen e së drejtës së Harvardit për të pranuar studentë të huaj. Por së shpejti një gjyqtar pezulloi masën, kundër së cilës universiteti kishte bërë ankesë në gjykatën federale të Masaçusetsit në orët e para të mëngjesit të së premtes.
Administrata Trump e akuzon Harvardin se refuzon mbikëqyrjen e Uashingtonit mbi pranimin e studentëve dhe procesin e punësimit të stafit akademik, dhe e akuzon universitetin si një vatër të antisemitizmit, për përhapjen e ideve tepër progresiste të së majtës dhe për lidhje me Partinë Komuniste Kineze.
Qeveria amerikane kishte ndërprerë tashmë financimet për universitetin në vlerë mbi 2 miliardë dollarë, gjë që çoi në ndërprerjen e disa projekteve kërkimore.
Sipas faqes së tij zyrtare, Harvard – i cili renditet ndër universitetet më të mira në botë dhe ka nxjerrë 162 fitues të Çmimit Nobel – pret këtë vit rreth 6.700 “studentë ndërkombëtarë”, që përbëjnë 27% të totalit të studentëve të tij. Këta studentë paguajnë dhjetëra mijëra dollarë në vit për tarifat e shkollimit.
Harvard është universiteti më i pasur në Shtetet e Bashkuara, me një fond të trashëguar që në vitin 2024 vlerësohej në 53.2 miliardë dollarë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
Kush është Lepuri i Surrelit?
Nga Sidi Hasanaj
Dy rrugët e gabuara të opozitës me Avokatin e Popullit
Nga Patrik Sadikaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128