Sulmi ndaj Top Channel, policia e Vlorës kërkon një armë zjarri në rrugë: E hodhën...

27 Mars 2023, 17:27 / AKTUALITET ALFA PRESS

Sulmi ndaj Top Channel, policia e Vlorës kërkon një armë

Hetimet për sulmin ndaj Top Channel, ku si pasojë e të shtënave pak pas mesnate humbi jetën dhe një roje sigurie, janë zhvendosur dhe në qytetin bregdetar të Vlorës.

Grupi hetimor dyshon se autorët e këtij krimi të rëndë pasi kanë djegur makinën Range Rover pranë Kavajës janë zhvendosur me një tjetër mjet drejt Vlorës.
Dyshimet janë shtuar dhe më tej, pasi nga këqyrja e kamerave të sigurisë, disa orë pas krimit, në hyrje të Vlorës ka ndaluar një mjet që ka hedhur disa sende të dyshimta që mendohet se kanë qenë armë.
Për këtë arsye, dhjetëra efektivë kanë krehur në këmbë zonën dhe kanë kërkuar nëpër shkurre për ndonjë send të dyshimtë.

Mesnatën mes të dielës dhe të hënës, persona të armatosur qëlluan me armë zjarri në drejtim të godinës së Top Channel që ndodhet në zonën e Kasharit. Breshëria e plumbave ka goditur hekurat dhe xhamat e godinës dhe një prej plumbave ra mbi trupin e 60-vjeçarit Pal Kola, duke i marrë jetën.

 

Po ndodh...

ide

receta Alfa

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128