Lajme flash
Djali i ish-deputetit socialist organizator i trafikut të drogës në Turqi, dalin bisedat e Rexhep Rrajës në SkyEcc: Kan tepru qeset e aluminit…
15 Dhjetor 2025, 12:31 / AKTUALITET
Redaksia Syri ka siguruar dosjen e grupit të Rrajave pjesë e të cilëve është dhe Rexhep Rraja, djali i ish-deputetit socialist, Rrahman Rraja të cilët akuzohen se kanë trafikuar sasi të mëdha droge drejt Europës. Vetëm në 3 episode që janë sekuestruar janë trafikuar 2.4 tonë marjuanë e kokainë drejt vende të Bashkimit Europian.
Në dosjen e siguruar nga gazetari i Syri Tv, Fatjon Gjinaj, SPAK akuzon Rexhep Rrajën si një nga porositësit dhe organizatorët kryesor të ngarkesës me 236 kg kanabis që u sekuestrua në Turqi
Me qëllim mbledhjen e provave që kanë të bëjnë me dokumentimin e aktivitetit kriminal, identifikimin e organizatorëve dhe bashkëpunëtorëve të tjerë të personave nën hetim, janë administruar me letërporosi nga autoritetet franceze, të dhënat e SkyEcc PIN 1E68Y3 (Gazmir Rraja) ku nga analizimi i komunikimeve del në pah fakti se një nga porositësit dhe organizatorët kryesor të ngarkesës me lëndë narkotike është përdoruesi i SkyEcc PIN BJFJ6H (identifikuar në përdorim të të hetuarit Rexhep Rraja), thuhet në dosjen e SPAK.
Babai deputet, djali organizon trafikun e drogës
Koha për të cilën SPAK e akuzon Rexhep Rrajën se merrej me trafik droge, përkon me kohën kur babai i tij, Rrahman Rraja ka qenë deputet i Partisë Socialiste. Rrahman Rraja u zgjodh deputet në Kuvendin e Shqipërisë për dy mandate në radhë, në zgjedhjet e 2017 e 2021. Në zgjedhjet e 2021 Rraja mori 7759 vota preferenciale. Një tjetër provë që mbështet kauzën e opozitës se Edi Rama dhe Partia Socialiste ka blerë zgjedhjet me paratë e drogës.
Rraja dorëzoi mandatin e tij të deputetit në korrik 2023, duke u tërhequr nga politika për shkak të skandalit familjar, dhunës barbare të familjarëve të tij ndaj dy kusherinjve Bilbil e Jashar Maja për guroren. Ai e dha dorëheqjen dy ditë pas ngjarjes së rënd, më 08.07.2023 me një reagim publik.
Ndërsa para se të bëhej deputet Rrahman Rraja, 12 vite me radhë, nga 2003 deri në 2015, ka qenë Kryetar i Komunës Nikël. Nga viti 2015-2017, nënkryetar i Bashkisë Krujë.
PËRGJIMET
Gjatë komunikimeve të datës 27 janar 2021 në aplikacionin e enkripotuar SkyEcc
Gazmir Rraja i dërgon Rexhep Rraja, një mesazh audio, dhe e pyet nëse kishte dalë informacioni i arrestimit në datë 26.1.2021, i shoferit të kamionit dhe sekuestrimit të lëndës narkotike në ndonjë portal.
Në vijim e pyet nëse ishte kapur ose jo, dhe a kishte folur me personin tjetër. Rexhep Rraja, e informon të hetuarin Gazmir se, bashkëpunëtori tjetër i tyre kishte dërguar njerëz në pikën e kalimit kufitar në Kapikule/Turqi, të cilët kishin konstatuar kamionin të parkuar, dhe se nuk kishin ndonjë informacion më të detajuar.
Gazmir Rraja: A doli në m'nanjë portal në nanjë gjë ore, a u morr nanjë vesh nanjë gjë më?
Rrexhep Rraja: Jo
… Ka cu rob ka pa kamionin aty tparku
Sdijm hala asgje
Gazmir Rraja: Vk
SPAK analizoi bisedat e Rexhep Rrajës dhe thotë se ‘del në pah fakti se bashkëpunëtor të tjerë të këtij trafikimi janë edhe Përparim Rraja, Jani Çavo), Agim Nina, Aldo Gjini, alias Iamandi), Sokol Qaja), "UZ93Q" – Kodi në Sky Ecc (ende i pa identifikuar), "PM08RT" (ende i pa identifikuar), dhe Marvin Bushati.
Më 22 nëntor Rexhep Rraja njofton Jani Çavon se do shkonte bjondi (i referohet të hetuarit tjetër Aldo Gjini), i cili ishte personi që do bënte me shenjë pakot e aluminit me qëllim që mos të ngatërroheshin me pakot e bashkëpunëtorëve të tjerë.
Sipas komunikimeve të realizuara ndërmjet tyre, evidentohet fakti se në këtë trafikim, një pjesë nga lënda narkotike (ende e pa përcaktuar), i përkiste një presoni tjetër të cilit i drejtohen me emrin "Eldi"
Rraja I shkruan Jani Çavos dhe I dërgon foto të drogës.
Rexhep Rraja: T’miat jan tgjitha vec nqs ju ka gris naj qese alumini",
Jan total alumin"
O vila a po flet me cunat qe kan qen tu paketu" "
."Ca po thu"
:"Kam qen aty".
Jani Çavo: Ouuuu na sqaroooo
Se me cave ka.in nisesh per pune kariko celulari
Se po bej debate une ketej boll u mora me ty
Ku te vijne te shohin mallin e ti vejne shenjat?
hsoket e mi thone i kemi mbyll te gjitha kutiat me qese alumini ne sy te Teos
Mos bej asnje levizje pa ardhe me pa mallin ata dhe me konfirmu qe eshte i tyre dhe ti vene shenjat mdryshe eshte pergjegjesi e jotja e gjitha!
Rexhep Rraja: Kan tepru qeset e aluminit nuk esht se ngela per gje, mtha skam qese do vij ti bej nsr ja gjeta qeset i bem at nat"
"Vetem shenj si esht ber
Vjen bjondi ja ben". "Qe mos te ngatrrohen me mallin tjt"
Më 22 janar 2021 Rexhep Rraja komunikon me përdoruesin e enkriptuar SkyEcc PIN "PM08RT" (i pa identifikuar)
nga analiza e bisedave të zhvilluara mes tyre evidentohet fakti se, i personi i paidentifikuar sqaron të hetuarin Rexhep Rraja, se për ti vërtetuar këtij të fundit lidhur me ngarkesën е kamionit, po të tregoj kutitë që janë pjesë e tij, ndërsa i hetuari Rexhep i thotë se nuk dëshironte fjalë koti, por i kërkon që ti japë detaje nëse në brendësi të kamionit kishte futur ndonjë sasi me lëndë narkotike, ndërsa ky i fundit ja pohon këtë gjë duke i dërguar me foto edhe materialin që është përdor për ambalazhimin e lëndës narkotike
"PM08RT": un me ta vertetu ty qe ty te mbushet menja te tregoj kutit e mija mashume nuk te jap detaje
Rexhep Rraja I identifikuar me kodin BJFJ6H: Jo jo jo, Llafe kot sdu un O plak, Mthe per mbrem ose sot Mjep detaje, Ti ke gjona mren, Edhe duhet tkesh detaje po pate gjona, Jo plak ke humb bastin Se ke bo bastin ksht.
…
Pse jan vecant tujat
Po shenj i kan bo krejt
Un sa isha ke kamioni Tu e pa Ti mthe kamion serb kamioni alla shqiptarce Po a ke fut mall o plak Mthuj detajet Se i din Tkam bo be si them kujt Jo Aty kishte vec spry tzi dhe blu Po ma co i foto tpakos A i ka dorzu gjonat robi jot Kur niset kamioni
(I vjen fotoja e drogës)
Vlla ishin 2 sprit nmagazin 1 blu l i zi Un i bona me tzi Tjerat do bohen me blu Po ai esht sprit i kuq ai nfoto jo gold
Në vijim, datë 22.1.2021, ora 20:51 minuta, Rexhep Rraja, - përdoruesi i SkyEcc PIN BJFJ6H komunikon me përdoruesin SkyEcc PIN KRPXM6 (të hetuarin Aldo Gjini) dhe i tregon se po i shkruante një person tjetër që kishte fut gjëra për në Turqi (nga konteksti i përgjithshëm i bisedës i referohet lëndës narkotike) dhe Rexhepi shprehet i shqetësuar pasi personi tjetër mund të ishte në përgjim dhe ju prishte punë
Rexhep Rraja: Po mshkru dikush qe ka fut gjona per turqi
Se qello naj njoni pergjim o vlla na fikin
Më 23 janar 2021 Rexhep Rraja komunikon me Aldo Gjiniun dhe Sokol Qajan në grup në lidhje me organizimin e punës për furnizimin e kamionit me lëndë narkotike, duke ju uruar dhe suksese njëri-tjetrit
Jani Çavo: Me te po merremi po e furnizojme, Leviz tani
Rexhep Rraja: OK
Jani Çavo: Ju mbaj une ne kontakt per cdo gjë
Aldo Gjini: Ok
Rexhep Rraha: Ishalla mbar
Jani Çavi: Ju lumte goja per te gjithe mbare ishalla
Më datë 26.1.2021, autoritetet e Turqisë, sekuestruan sasinë prej 236 kg bimë narkotike e llojit marijuanë, e dërguar nga Shqipëria me destinacion përfundimtar Turqinë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128