Lajme flash
Pas derbit të Stambollit vjen dënimi i rëndë për Mourinhon. 4 ndeshje pezullim për frazën rac*ste
27 Shkurt 2025, 20:21 / SPORT
Përballja mes Galatasaray dhe Fenerbahçes të hënën mbrëma përfundoi në barazim pa gola, por më shumë bujë kanë bërë deklaratat e trajnerëve pas ndeshjes. Në qendër të polemikave është arbitrimi i sllovenit Vincic dhe disa fjalë të José Mourinhos, të cilat kanë bërë që klubi kampion i Turqisë të ndërmarrë masa të ashpra, duke e denoncuar trajnerin portugez për "deklarata raciste".
Në konferencën për shtyp, Mourinho kishte deklaruar për kundërshtarin se "kërcenin si majmunë", duke iu referuar një proteste të pankinës së Galatasaray në minutat e para të ndeshjes. Një frazë pa dyshim e papërshtatshme dhe që ndoshta nuk kishte qëllim diskriminues, por Federata Turke e Futbollit vendosi të veprojë ashpër: "Special One" është pezulluar për 4 ndeshje.
Në vendimin e federatës ka ndikuar edhe një episod tjetër: Mourinho pranoi në konferencë se kishte shkuar në dhomën e arbitrave pas ndeshjes dhe i ishte drejtuar gjyqtarit të katërt turk me fjalët: “Nëse ti do të ishe arbitër kryesor, do të ishte një katastrofë". Ndërsa për Vincic u shpreh: "E falënderova që erdhi ta gjykonte këtë ndeshje".
Tani pritet reagimi i Fenerbahçes, e cila e kishte mbrojtur trajnerin e saj me një komunikatë dhe është prej muajsh në konflikt të hapur me sistemin arbitrar të futbollit turk, duke akuzuar se Galatasaray po favorizohet.
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128