Der Standard: Rama po e largon Shqipërinë nga BE, ai dhe Vuçiçi nuk e duan demokracinë dhe sundimin e ligjit

Gazeta e njohur austriake ‘Der Standard’ publikoi një analizë të gazetares së njohur Adelheid Woelfl në lidhje me situatën e integrimit të rajonit tonë në BE.

Gazetarja thekson se ka një dallim të madh mes aspiratave dhe realitetit.

Ndërkohë sipas saj, Mali i Zi është në pararojë sa i përket integrimit, por sërish gjërat nuk janë aq rozë.

Duke u ndalur tek Shqipëria, gazeta nënvizon se Edi Rama po e largon Shqipërinë nga BE pas vendimit për të mbrojtur Belinda Ballukun.

Gazetarja shkruan se Edi Rama dhe Aleksandër Vuçiç nuk e duan sundimin e ligjit, demokracinë, transparencën dhe ndarjen e pushteteve.

“Në Francë nevojitet madje një referendum para se Mali i Zi të mund të bëhet anëtar i BE-së. Presidenti serb, Aleksandar Vuçiç, nuk e pëlqen aspak faktin që shteti i vogël fqinj, Mali i Zi, mund të hyjë në BE, ndërsa Serbia jo.

Së bashku me mikun e tij, kryeministrin shqiptar Edi Rama, ai shpërndau së fundmi në një shkrim në Frankfurter Allgemeine Zeitung idenë se shtetet e Ballkanit duhet të hyjnë vetëm në tregun e brendshëm dhe të heqin dorë nga të drejtat e vetos.

Një “integrim gradual” i tillë mund të bëhej edhe tani.

Por edhe për tregun e përbashkët duhet një sistem gjyqësor funksional dhe sundim i ligjit. Serbia, megjithatë, nën Vuçiç është më larg se çdo vend kandidat tjetër nga këto kritere. Vetëm në shkurt, në Beograd u miratuan ligje që dobësojnë më tej pavarësinë e gjyqësorit.

Shkrimi i përbashkët e bëri të qartë se as Vučiç dhe as Rama nuk duan transparencë, demokraci, ndarjen e pushteteve dhe sundim ligji.

Në mes të marsit, Rama me Partinë e tij Socialiste pengoi në parlament heqjen e imunitetit për ish-zëvendëskryeministren Belinda Balluku, e konsideruar si krahu i tij i djathtë, për shkak të akuza për korrupsion.

Ky veprim jo vetëm që minoi Autoritetin Anti-Korrupsion SPAK, i cili gëzon reputacion të lartë te populli, por edhe largoi më shumë perspektivën e anëtarësimit të Shqipërisë në BE.

Presidentja e Komisionit Evropian, Ursula von der Leyen, propozoi së fundmi idenë e një “zgjerimi të kundërt”. Sipas saj, qeveria amerikane dëshiron që Ukraina të pranojë të heqë dorë nga disa territore, në këmbim të pranimit si anëtare e BE-së pa plotësuar menjëherë të gjitha kushtet. Ky plan lidhet me një “marrëveshje paqeje” të mundshme me Rusinë.

Megjithatë, Von der Leyen u tërhoq, pasi shtetet e BE-së insistonin në një proces bazuar në meritat. Së pari duhet të mbarojë lufta, të rindërtohet infrastruktura – dhe më pas mund të flitet për anëtarësim në BE,” shkruan gazetarja.

Po ndodh...

13:29 AKTUALITET

Ishte duke luajtur me gjyshen në Lungomare, qeni kafshon në kokë 4-vjeçaren

13:20 SPORT

Tronditet Juve, Vlahovic sërish në “bokse”, mbetet 3 javë jashtë

13:00 BOTA

Një i vrarë/ Sulm me armë në konsullatën izraelite në Stamboll, një prej autorëve i fshehur pas makinës dhe me kallash në dorë   

12:41 POLITIKË

“Takoni qytetarët”/ Rama porosi deputetëve! Detaje nga mbledhja e Grupit!

12:28 BOTA

Brenda ideologjisë sunduese të Iranit/ Si “misioni i shenjtë” dhe doktrina mesianike ushqejnë regjimin

12:24 BOTA

Sot skadon ultimatumi i Trump, Izraeli: Mos hipni në trena në Iran, jetët janë në rrezik

12:01 BOTA

Raporti sekret: Irani kërkon 2 milionë dollarë për çdo anije në Hormuz

11:53 SHOWBIZ

Të shtëna me armë në një kazino në Florida, mbetet i plagosur reperi i njohur

11:49 POLITIKË

Ina Zhupa denoncon projektligjin për Portet: Antikushtetues, dhuron pronën publike privatëve

11:46 AKTUALITET

Shqipëria, nyja lidhëse e trafikut të armëve në Ballkan

11:45 POLITIKË

Ilir Beqaj do vazhdojë të qëndrojë në qeli, GJKKO rrëzon kërkesën për lirim të ish ministrit

11:34 AKTUALITET

APP shpall vendimin! Anulohet tenderi për Portin e Ri tregtar në Porto Romano

11:22 SHOWBIZ

Gjuhë ofenduese dhe denigruese, Agai dënon Ilirin, paralajmëron fermerët e tjerë

11:20 AKTUALITET

“Bojkotoni firmat serbe!”/ Fermerët protestë para Ministrisë së Bujqësisë: Të bllokohet importi që na konkurron

Dua të lexoj më shumë lajme