Lajme flash
Alimehmeti për zgjedhjet në PD: Nuk ka kandidaturë tjetër deri sot përveç doktor Berishës
16 Mars 2026, 21:10 / POLITIKË
Anëtari i Këshillit Kombëtar të Partisë Demokratike, Ilir Alimehmeti, i ftuar në studion e “Off the Record” nga Andrea Danglli, në A2CNN, deklaroi se nuk ka “kandidatura që deri sot të jenë shpallur, të kenë shpallur ambicie, të kenë shpallur një vizion, një platformë përveç asaj të doktor Sali Berishës” për kreun e PD-së.
“Kryetari patjetër që është organi më i rëndësishëm ndoshta i Partisë Demokratike. Partia në vetvete vendoset dhe fillon nga data 6 qershor sepse Kuvendi cakton Këshillin. Këshilli pastaj cakton Kryesinë, nënkryetarët, sekretariatet, të gjithë pjesën organizative. Unë s'e di të ketë kandidatura që deri sot të jenë shpallur, të kenë shpallur ambicie, të kenë shpallur një vizion, një platformë përveç asaj të doktor Sali Berishës. S'di të ketë tjetër. Nëqoftëse ka tjetër, do ta presim të na shfaqet”, u shpreh Alimehmeti.
“Kuvendi është në datë 6 qershor, aty zgjidhet Këshilli Kombëtar dhe nga ky moment të gjitha instancat e kupolës së Partisë Demokratike zgjidhen nga Këshilli Kombëtar. Bazuar mbi statutin, është anticipuar se do të ketë dhe disa ndryshime statutore. Nuk e dimë cilat ndryshime janë ato. Është diskutuar që ka një grup pune për t'i parë këto ndryshime të mundshme të statutit. Do t'i presim se cilat janë, sepse sot jemi deri në këtë njoftim. Doja data të tjera, më herët. Vera vështirëson punën politike. Por, datat janë të caktuara. Vendimet statutore, nëse do ketë, do presim të shohim se kush do propozohet nga grupi i punës. Vetëm grupi i punës di që ka dalë. Jo se çfarë vendimesh do marrin ata”, tha më tej Alimehmeti.
Po ndodh...
ide
Rishikimi i statutit dhe varka e mbytur e Berishës
Nga Alesia Balliu
A do ta bashkojë PS-në me PD-në drejtësia e re?
Nga Arbër Hitaj
Sovranizmi si gjethe fiku
Nga Namir Lapardhaja
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128