FLASH NEWS
Tender with the Hawardi kids/ The messages of Benet Beci and Evis Berberi are revealed: What can we say with two school grades?
2026-02-04 11:09:24 / POLITIKË
Dy muaj më herët Benet Beci, asokohe ADM i KESH, dhe Ervis Berberi, me detyrë drejtori i Agjencisë dhe Eficencës së Energjisë, kishin filluar bisedimet për paracaktimin e tendering me vlerë rreth 700 mijë euro.
Pjesë e grupit të bisedimeve për këtë procedurë prokurimi ishin Benet Beci, Ervis Berberi, Adela Ruko dhe Dritan Dakoli. Sipas dosjes hetimore të siguruar, biseda e parë bëhet me datën 29.10.2019, ora 18:47:59; shtetasi Evis Berberi i ka dërguar shtetasit Benet Beci, me detyrë Administrator i KESH, SMS me tekstin: "Përshëndetje Visi, jam nesër kur mund të takohemi". Ndërsa rezulton se shtetasi Benet Beci e ka telefonuar shtetasin Evis Berberi në aplikacionin "WhatsApp" ditën e nesërme.
Sipas gazetarit Edison Vatnikaj, pasi Beci ka komunikuar me Berberin, ky i fundit ka biseduar me Dritan Dakolin, e ndërsa me anë të një mesazhi Dakoli i thotë Benet Becit: "U nisa për 10 min besoj se kam aty".
Sipas burimeve, ka dyshime se mes Becit, Dakolit dhe Berberit të jetë zhvilluar një takim ku tema e diskutimit ka qenë pikërisht tenderi në fjalë. Kjo përforcohet edhe më shumë pasi më 31 tetor Dritan Dakoli i ka dërguar Evis Berberi materialin në formatin "Eord" me emërtimin "Kërkesat për kualifikim CMA - masterplan KESH".
Ky material është i njëjtë me materialin që një ditë më pas, në datën 01.11.2019, Evis Berberi ia ka përcjellë shtetasit Benet Beci.
Në këtë dokument gjendet drafti i kritereve të përgjithshme të kualifikimit dhe kritereve të veçanta të kualifikimit, kritere të cilat janë përdorur më pas në procedurën e prokurimit me nr. REF-46463-12-18-2019, me objekt: "Zhvillimi Strategjik i Sektorit Energjitik".
Menjëherë sapo i ka përcjellë shtetasit Benet Beci dy materialet e mësipërme, i ka dërguar mesazhet shtetasit Benet Beci me tekst: "Kërkesat janë paraprake. Se pret ca detaje nga Harvard". Benet Beci i është përgjigjur me dy SMS, ku njëri rezulton i fshirë dhe nuk evidentohet përmbajtja, ndërsa tjetri ka tekstin: "Ok flm Visi".
Në datën 07.11.2019, Dritan Dakoli i dërgon shtetasit Evis Berberi materialin me emërtimin "Electricity Workstream Deliverables 2019-2020" me tekstin: "Harvardi për KESH. Më thanë, hidhi një sy. I thashë, këtë e kanë bërë profesorët, çfarë mund të themi ne të shkretët me dy klas shkollë?". Evis Berberi i përgjigjet me SMS me tekstin: "Hahaha, kush ta çoi".
Sipas gazetarit Vatnikaj, Dritan Dakoli i shkruan shtetasit Evis Berberi tekstin: "Ai cuni Harvardit. Me atë që flasim". Ketij mesazhi, shtetasi Evis Berberi i përgjigjet me tekstin: "Ok super, po ja nis". Në datën 18.11.2019, Dritan Dakoli i dërgon Evis Berberi mesazhin me tekstin: "Sqiten gjo cunat e KESH", ndersa shtetasi Evis Berberi i kthen përgjigjen: "Të them unë, po e bëjnë gati".
Në datën 03.12.2019, Dritan Dakoli i shkruan Evis Berberi: "Vllai, si të kam? Ky tërmeti na shkundi nga të gjitha anët. Ato nuk çelen gjë? Mos presin të shkoj unë?", ndërsa Evis Berberi i përgjigjet: "Jooo, po e nxjerrin". Në datën 10.12.2019, Evis Berberi i dërgon SMS shtetasit Dritan Dakoli, me tekst: "Fol me Reiden se mos bën poça për kriteret". Dritan Dakoli i përgjigjet: "Po boni poça, ja gjej dikë besoj".
Në dosje del edhe Adela Ruko, gruaja e Evis Berberit, e cila i dërgon një foto bashkëshortit të saj në në kqyrje paraprake, që nuk fiksohet, por që pas SPAK ka arritur ta sigurojë si provë në kqyrjen e kompjuterave të sekuestruar.
Happening now...
ideas
They did not hinder Basha, but the political rotation
Nga Ermal Peçi
Hasimja kërkon të
Nga Neritan Vladi
For the reform parties, the government and the opposition
Nga Artan Fuga
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128