Në vitin 2025 shitëm më pak se gjysmën e asaj që blemë/ Tregtia e jashtme, deficiti tregtar arriti vlerën 541 mld lekë

Viti 2025 është mbyllur me një ecuri problematike të tregtisë së jashtme shqiptare, ku rënia e eksporteve dhe zgjerimi i deficitit tregtar duket të jenë problemet kryesore. Të dhënat zyrtare tregojnë se Shqipëria vazhdon të shesë pak dhe të blejë shumë.

Gjatë vitit 2025, eksportet e mallrave arritën vlerën 346 miliardë lekë, duke u ulur me 6.1% krahasuar me vitin 2024. Në të njëjtën kohë, importet arritën në 887 miliardë lekë, me një rënie të lehtë prej 0.8% në vlerë. Në pamje të parë, kjo mund të krijojë idenë e një stabilizimi, por analiza në volum, pra në peshë, tregon një anë tjetër.

Në terma sasiorë, importet në vitin 2025 janë rritur me 6.2% në volum, ndërsa eksportet kanë rënë me 3.7%. Kjo do të thotë se Shqipëria ka importuar më shumë mallra fizikisht, por me çmime mesatare më të ulëta, ndërsa ka eksportuar më pak mallra, si në vlerë ashtu edhe në peshë.

Rënia e eksporteve është ndikuar kryesisht nga sektorët tradicionalë. Materialet e ndërtimit dhe metalet kanë dhënë goditjen më të fortë, duke qenë kontribuesi kryesor negativ në ecurinë vjetore. Po ashtu, mineralet, lëndët djegëse dhe energjia elektrike kanë shënuar rënie, duke reflektuar si luhatjet e çmimeve ndërkombëtare, ashtu edhe kufijtë e kapaciteteve prodhuese vendase. Rritjet e lehta në ushqime, pije, duhan dhe në makineri e pajisje nuk kanë qenë të mjaftueshme për të ndryshuar trendin negativ.

Nga ana tjetër, struktura e importeve tregon se ekonomia shqiptare mbetet e varur nga jashtë. Rritja e importeve në volum lidhet kryesisht me mallra konsumi, ushqime dhe energji, çka nënkupton se prodhimi vendas nuk po arrin të zëvendësojë kërkesën e brendshme.

Si pasojë e kësaj ecurie, deficiti tregtar në vitin 2025 arriti në 541 miliardë lekë, me një rritje prej 3.0% krahasuar me vitin 2024. Shkalla e mbulimit të importeve nga eksportet ka zbritur në rreth 39%.

Në aspektin gjeografik, Italia mbetet partneri kryesor tregtar, por eksportet drejt saj kanë rënë ndjeshëm gjatë vitit 2025. Rënie janë shënuar edhe drejt Kosovës dhe Maqedonisë së Veriut, duke sinjalizuar dobësim të tregjeve tradicionale. Ndërkohë, importet nga Kina janë rritur ndjeshëm, duke e forcuar rolin e saj si furnizues kryesor i mallrave industriale dhe të konsumit./SCAN

Po ndodh...

17:04 BOTA

Presidenti ukrainas kërkon rikthimin e fokusit drejt Ukrainës/ Zelensky: Vëmendja ndaj Greonlandës na shpërqendron nga lufta

16:50 POLITIKË

“GJK po zhvillon farsën më të shëmtuar”, Rama: Duan të rrisin rrogat e gjyqtarëve me gjyq. Respekte për SPAK që nuk iu bashkua kësaj marrëbabëzie!

16:38 SPORT

Marokenët fillojnë procedura ligjore, kërkojnë t’i hiqet Senegali titulli: Ja çfarë thotë praktika deri më tani

16:24 AKTUALITET

I akuzuar për dy vrasje në 1997, dënohet me 23 vite burg Tomorr Çela

16:22 AKTUALITET

Aksident në aksin Cërrik-Gramsh, dy vajza mbeten të plagosura

16:03 AKTUALITET

Shuhet në moshë të re doktoresha e Spitalit të Traumës, kolegët mesazh të ndjerë: Vlerat e tua Arlinda do të mbeten gjithmonë pjesë e jona

15:55 POLITIKË

Grupi Parlamentar i PD-së shkresë zyrtare SPAK: Hetoni Irena Gjokën pa vonesa

15:53 Fjalëkryq

Skemë kampionësh 20 janar

15:49 POLITIKË

Erion Veliaj depoziton kallëzim penal në prokurorinë e Tiranës: Më është falsifikuar firma në një dokument gjyqësor

15:33 AKTUALITET

I shpallur në kërkim ndërkombëtar për një vrasje në Britani, vetëdorëzohet në Tiranë 26-vjeçari Armando Marku

15:25 POLITIKË

Lavrov: Rusia është e gatshme të komunikojë me SHBA-në për Ballkanin

15:18 BOTA

Greqia me alarm të kuq për shkak të motit të keq, mbyllen të gjitha shkollat në Athinë, pesë rajone në rrezik nga përmbytjet dhe acari polar

15:05 JETË

Kujdes! Përdorimi i parfumit në qafë mund të ndikojë te gjendra tiroide

14:53 POLITIKË

Agron Shehaj kërkon interpelancë me ministren e Brendshme: Operacioni ndaj qendrave Forex u dekonspirua nga Policia

Dua të lexoj më shumë lajme