Lajme flash
Botërori 2026/ Schjelderup fenomenal, Bellingham barazon 1-1, mbyllet pjesa e parë e Norvegji - Angli
11 July 2026, 23:56 / SPORT
Norvegjia ka kaluar në avantazh ndaj Anglisë në çerekfinalen e Botërorit 2026 falë një goli të mrekullueshëm të Andreas Schjelderup në minutën e 36-të.
Aksioni nisi nga Martin Odegaard, i cili pasi vëzhgoi pozicionimin e shokëve të skuadrës, zgjodhi të pasojë për Schjelderup. Sulmuesi norvegjez kontrolloi në mënyrë perfekte topin dhe lëshoi një goditje fantastike në pozicion të prirët, e cila përfundoi në cepin e sipërm të portës pasi u përplas fillimisht me shtyllën.
Fillimisht goli u vu nën verifikimin e VAR-it, pasi arbitri Clement Turpin dyshoi për një faull në ndërtimin e aksionit. Pas rishikimit të pamjeve, vendimi u konfirmua dhe goli u akordua, duke shkaktuar festë te lojtarët norvegjezë.
Anglia ka gjetur golin e barazimit ndaj Norvegjisë në minutën e dytë shtesë të pjesës së parë, duke e çuar rezultatin në 1-1 në çerekfinalen e Botërorit 2026.
Protagonist i golit ishte Jude Bellingham, i cili përfitoi nga një asistim i shkëlqyer i Anthony Gordon. Sulmuesi anglez tregoi vizion të madh duke gjetur mesfushorin brenda zonës me një pasim të zgjuar, ndërsa Bellingham goditi menjëherë dhe saktë, duke e dërguar topin në cepin e poshtëm të djathtë të portës, 1-1.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128