“Regjimi ka mbyllur internetin për të fshehur masakrën”, mbi 500 të vdekur në Iran! Bilanci rritet frikshëm

Irani ka paralajmëruar se do të hakmerret nëse Shtetet e Bashkuara ndërmarrin sulme ushtarake, ndërsa regjimi i Ayatollah Ali Khamenei-t po ashpërson shtypjen ndaj protestuesve.

Paralajmërimi vjen në një kohë kur bilanci i viktimave nga protestat është rritur ndjeshëm, duke arritur në mbi 500 të vdekur pas dy javësh trazira, sipas Human Rights Activists News Agency me bazë në SHBA. Po ashtu, mijëra persona janë arrestuar.

Sipas burimeve mjekësore, situata është dramatike.

Një mjek ka deklaruar se vetëm brenda një nate, në gjashtë spitale të Teheranit, janë regjistruar të paktën 217 viktima.

Aktivistja iraniane, Masih Alinejad, thotë se burime brenda Iranit flasin për qindra protestues të vrarë nga forcat e sigurisë.

“Regjimi ka mbyllur internetin për të fshehur një masakër”, deklaron ajo.

Ndërkohë, autoritetet iraniane kanë paralajmëruar ndëshkime ekstreme. Prokurori i Përgjithshëm i Iranit tha se protestuesit do të përballen edhe me dënim me vdekje, duke i cilësuar si “armiq të Zotit”. Edhe kryeprokurori i Teheranit paralajmëroi përdorimin e dënimit kapital për ata që akuzohen për “akte vandalizmi”.

Protestat, që nisën për shkak të rritjes së kostos së jetesës, janë shndërruar në një lëvizje të gjerë kundër regjimit që sundon Iranin që nga revolucioni i vitit 1979. Pavarësisht dhunës, protestat kanë vazhduar, me mijëra qytetarë që kanë dalë sërish në rrugë, duke sfiduar forcat e sigurisë.

Raportohet se qindra qytete, përfshirë kryeqytetin, janë përfshirë nga kaosi, me rrugë të përfshira nga flakët dhe ndërtesa të shkatërruara. Forcat e rendit kanë përdorur gaz lotsjellës dhe armë zjarri për të shpërndarë turmat.

Ndërkohë, ndërprerja totale e internetit ka hyrë në ditën e tretë.

Organizata NetBlocks paralajmëroi se kjo masë përbën kërcënim serioz për sigurinë dhe jetën e qytetarëve, duke e cilësuar si një taktikë të qëllimshme dhe jo një problem teknik.

Spitalet janë të mbingarkuara, ndërsa mjekët raportojnë se disa institucione shëndetësore ndodhen në gjendje krize për shkak të fluksit të madh të të plagosurve dhe viktimave.

Pamje të publikuara në rrjetet sociale tregojnë familjarë që identifikojnë trupat e protestuesve në morgjet e Teheranit, ndërsa frika për një masakër të fshehur nga izolimi informativ vazhdon të rritet.

Po ndodh...

00:00 Fjalëkryq

Skemë e lirë 12 janar

22:22 AKTUALITET

Dyshohet se braktisi fëmijët e mitur, reagon nëna pas denoncimit: Nuk është vërtetë! Punoj për të paguar qiranë dhe për t’i ushqyer

22:10 SPORT

Barcelona shpallet superkampione e Spanjës, mundin Realin në El Clasico

21:58 SPORT

Raphinha trondit sërish “galaktikët”, katalanasit në avantazh për herë të tretë

21:41 POLITIKË

"Prezervativ, do përballemi shumë shpejt"/ Tryeza e PD i fut në sherr, Shpend Gashi shpërthen ndaj Fred Lelës: Lëtyrë e neveritshme

21:30 AKTUALITET

Moti i keq në Prrenjas, fshati Rrajcë-Bardhaj 3 ditë pa drita

21:19 AKTUALITET

Kishin 3 ditë pa ngrënë dhe 1 muaj pa shkuar në shkollë, tre fëmijët e braktisur merren në mbrojtje nga Shërbimi Social në Durrës!

21:17 SPORT

Barcelona-Real Madrid/ Nis pjesa e dytë, skuadrat kërkojnë trofeun

21:03 SPORT

Barcelona “asfikson” Realin në Superkupë, blauganët dominojnë topin në fushë

20:48 JETË

Po e ushqeni gabim qenin tuaj? Këto ushqime mund t’i shkurtojnë jetën

20:18 SHOWBIZ

U arrestua pas operacionit antidrogë, reagon aktori Can Yaman për herë parë: Nëse do të ishte e vërtetë, nuk do të...

20:06 BOTA

Mbi 10 mijë persona të arrestuar gjatë protestave në Iran, mes tyre 169 fëmijë

19:53 SHOWBIZ

Çfarë po ndodh mes reperëve? Nuk kanë fund telashet për Feron, “thumbon” rivalin e tij

19:43 SPORT

Tetë gola ndaj Wolfsburg, Bayern argëtohet në Bundesligë

Dua të lexoj më shumë lajme