Pije freskuese kontrabandë nga Maqedonia e Veriut, arrestohet 38-vjeçari në Dibër

Policia e Dibrës ka finalizuar operacionin e koduar “Dërgesa”, duke goditur një rast të kontrabandës së mallrave të dyshuara të futura ilegalisht nga Maqedonia e Veriut. Në pranga ka rënë një 38-vjeçar, ndërsa vëllai i tij është shpallur në kërkim. Gjithashtu, janë proceduar penalisht tre doganierë të Pikës së Kalimit Kufitar Bllatë, të dyshuar për shpërdorim detyre.

Operacioni u zhvillua nga specialistët e Sektorit për Hetimin e Krimeve në DVP Dibër, në bashkëpunim me Komisariatin e Policisë Kufitare Dibër, pas informacioneve të siguruara në rrugë operative.

Gjatë kontrollit të një furgoni tip “Benz”, i ndaluar në aksin rrugor Maqellarë–Bulqizë, policia gjeti 762 koli me pije freskuese pa dokumentacion shoqërues. Kontrollet vijuan edhe në banesën e të dyshuarit dhe në një automjet tjetër tip “Volkswagen”, ku u zbuluan 1296 koli të tjera me pije freskuese dhe 638 kuti me produkte ushqimore, kryesisht salcë.

Pas veprimeve hetimore u arrestua në flagrancë shtetasi E.H., 38 vjeç, banues në fshatin Pocest të Maqellarës, i dyshuar për veprat penale “Kontrabanda me mallra të tjera” dhe “Tregtimi dhe transportimi i mallrave kontrabandë”. Ndërkohë, policia shpalli në kërkim vëllain e tij, L.H.

NJOFTIMI I POLICISE
Finalizohet operacioni policor i koduar “Dërgesa”, ku u godit një rast i kontrabandës së mallrave. U kap në flagrancë në aksin rrugor “Maqellarë–Bulqizë”, duke transportuar mallra të dyshuara të kontrabanduara nga Maqedonia e Veriut, arrestohet 38-vjeçari dhe shpallet në kërkim vëllai i tij.

Procedohen penalisht 3 doganierë të PKK Bllatë, për veprën penale “Shpërdorimi i detyrës”. Sekuestrohen mallrat e kontrabanduara dhe 2 automjete. Në vijim të punës për parandalimin dhe goditjen e veprimtarive kriminale në fushën e krimit ekonomik dhe financiar, specialistët e Sektorit për Hetimin e Krimeve në DVP Dibër në bashkëpunim të ngushtë me Komisariatin e Policisë Kufitare Dibër, bazuar në informacionet e siguruara në rrugë operative, finalizuan operacionin policor të koduar “Dërgesa”.

Në aksin rrugor Maqellarë–Bulqizë, shërbimet e Policisë ndaluan automjetin që drejtohej nga shtetasi E. H. Gjatë kontrollit të automjetit tip “Benz”, furgon, u gjetën 762 koli me pije freskuese pa faturë shoqëruese. Gjithashtu, gjatë kontrolleve në ambientet e banesës dhe në një automjet tjetër tip “Volkswagen”, u gjetën 1296 koli me pije freskuese dhe 638 kuti me produkte ushqimore (salcë). Në vijim të veprimeve procedurale, u arrestua në flagrancë shtetasi E. H., 38 vjeç, banues në fshatin Pocest, Maqellarë, për veprat penale “Kontrabanda me mallra të tjera” dhe “Tregtimi dhe transportimi i mallrave kontrabandë”, ndërsa u shpall në kërkim vëllai i tij, shtetasi L. H.

Nga hetimet paraprake dyshohet se dy vëllezërit kanë futur në territorin e Republikës së Shqipërisë mallrat e sipërpërmendura në mënyrë të kundërligjshme, duke shmangur procedurat e kontrollit dhe deklarimit doganor.

Në vijim të veprimeve, nisi procedimi penal për veprën “Shpërdorimi i detyrës” për shtetasit B. C., 43 vjeç; Sh. K., 60 vjeç; dhe F. M., 48 vjeç, të tre me detyrë doganierë në Pikën e Kalimit Kufitar Bllatë. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Po ndodh...

15:49 Fjalëkryq

Skemë kampionësh 10 qershor

14:16 POLITIKË

Jo si “21 Janari” dhe tubimet e dhunshme partiake/ Protesta paqësore e qytetarëve që po sfidon estabilishmentin me… telefona dhe rrjete sociale

14:14 BOTA

Përplasje diplomatike mes palëve, Trump kërcënon Iranin: Do ta paguash çmimin për vonesat në negociata

14:01 SHOWBIZ

Elvis Pupa “hap zemrën” brenda Ferma VIP: Nuk mësoja në shkollë, rashë në dashuri me zyshën

13:47 AKTUALITET

“Fik dritat, se do nxjerr një frigorifer”, zbardhet dëshmia tronditëse e kamarierit të Armand Shakaj, shoku i ngushtë i Eglant Koçit

13:43 KOSOVA

Emrat/ Numërohen 60% e votave për deputetë, këto janë dhjetëshet e para në VV, PDK, LDK dhe AAK

13:28 AKTUALITET

“Këtu për ata që na i zbuat jashtë vendit”/ Pankarta rrëqethëse e kësaj nëne që godet Ramën

13:12 POLITIKË

Revolta qytetare për largimin e Ramës, gazetarja e CNN: Nuk është më protestë për mbrojtjen e flamingove, por lëvizje e gjerë kundër qeverisë

13:09 KOSOVA

Prokuroria e Kosovës ngre aktakuzë ndaj 6 serbëve për vendosjen e barrikadave në veri, akuzohen për vepra penale kundër rendit kushtetues

12:56 AKTUALITET

Qeveria lëshon alarmin se Pacolli mund të ketë lënë peng Aeroportin e Vlorës tek Delphos

12:52 AKTUALITET

Trafiku i armëve, dalin fotot e grupit kriminal të arrestuar në Tiranë

12:34 BOTA

Jordania rrëzon pesë raketa iraniane mes përshkallëzimit të ri të tensioneve SHBA-Iran

12:25 POLITIKË

Nis seanca ndaj Erion Veliajt dhe 18 të pandehurve të tjerë në GJKKO, kryebashkiaku mungon sërish në gjykatë

12:02 EKONOMI&SOCIALE

Bordi i Transparencës ndryshon çmimet e karburanteve, bien nafta dhe benzina

Dua të lexoj më shumë lajme