Nga “simboli i korrupsionit” te eksperti i reformës?!/ Pse PD pranon të dëgjojë Erion Veliajn në Komisionin Territorial

Partia Demokratike duket se nuk ka asnjë rezervë që Erion Veliaj të paraqitet në Komisionin e Posaçëm për Reformën Territoriale për të dhënë mendimet e tij si kryetar i Bashkisë së Tiranës. Kërkesa u formulua zyrtarisht nga bashkëkryetari i komisionit, Arbjan Mazniku, ndërsa deri tani nga bashkëkryetari i komisionit, Luciano Boçi, nuk është shprehur asnjë kundërshtim. Përkundrazi, vetëm një ditë më parë, deputetja e PD-së dhe përfaqësuese e qarkut të Tiranës, Jorida Tabaku, kërkoi publikisht që Veliaj të jetë pjesë e dëgjesave të komisionit.

Kjo krijon një paradoks politik që kërkon përgjigje. Si mundet që Partia Demokratike, e cila prej vitesh e ka cilësuar Erion Veliajn simbol të korrupsionit në pushtetin vendor, ta pranojë sot si bashkëbisedues për një reformë kaq të rëndësishme? Si mund të konsiderohen të vlefshme rekomandimet e një kryetari bashkie që është nën akuzë nga SPAK dhe që emri i tij është lidhur vazhdimisht me skandalet e administrimit të Bashkisë së Tiranës, përfshirë edhe aferën e inceneratorëve?

Nëse opozita beson se akuzat ndaj Veliajt janë serioze dhe se modeli i drejtimit të Bashkisë së Tiranës ka prodhuar abuzime, atëherë lind pyetja se çfarë vizioni pret të dëgjojë prej tij për reformën territoriale. Çfarë vlere ka dëshmia e një zyrtari që vetë opozita e ka akuzuar vazhdimisht si pjesë të një sistemi të korruptuar?

Në politikë mund të ketë dëgjesa institucionale dhe respekt për procedurën parlamentare. Por një gjë është të respektohet procedura dhe krejt tjetër të krijohet përshtypja se një person nën akuzë për korrupsion po trajtohet si autoritet moral dhe administrativ për të orientuar reformimin e pushtetit vendor.

Pikërisht për këtë arsye, Luciano Boçi dhe Jorida Tabaku u detyrohen një sqarim votuesve të Partisë Demokratike. A është kjo thjesht një dëgjesë formale që buron nga funksioni institucional i Veliajt si kryetar bashkie, apo opozita po pranon që vizioni i një politikani të akuzuar nga SPAK të bëhet pjesë e diskutimit për të ardhmen e organizimit territorial të vendit? Ky është një debat që nuk mund të kalojë në heshtje./VNA

Po ndodh...

12:38 POLITIKË

Protesta e 28-të kombëtare mbahet sot, diaspora i bashkohet tubimit në Tiranë

12:03 AKTUALITET

Protestë për TEC-et lundruese në Vlorë, qytetarët marshim kundër projektit: Rama n’burg, Berisha n’burg!

11:40 SPORT

Dështimi në Botëror dhe eleminimi, Bielsa zemërthyer: Largohem pa asgjë, gjithçka është barazuar me zero

11:19 POLITIKË

“Rama t’u kërkojë falje protestuesve”, Ben Andoni: PS dhe PD s’i përfaqësojnë më shqiptarët, protesta do të prodhojë forca të reja politike!

Nga Ola Xama 11:08 POLITIKË

Kush e pagoi Chris Precht për kopshtin privat të Kryeministrit?

Nga Ola Xama

11:03 BOTA

Rrufeja godet shatërvanin e përfshirë në Listën e Trashëgimisë Botërore të UNESCO-s në Poloni, dëme të mëdha materiale

10:46 AKTUALITET

Emri/ Zbardhet atentati ndaj servisit të celularëve në Kamëz, arrestohet 18-vjeçari që qëlloi me kallashnikov!

10:33 AKTUALITET

Kamëz/ 18-vjeçari qëllon me automatik drejt servisit të celularëve

10:15 BOTA

Meloni dhe Trump/ Grindja publike që po rezulton shumë e vështirë për tu rregulluar

10:02 AKTUALITET

E rëndë në Lezhë, 28-vjeçari tenton të vrasë vjehrrën

09:44 BOTA

Evakuohen 2,500 marinarë të bllokuar në Ngushticën e Hormuzit, operacioni pezullohet pas sulmit ndaj një anijeje

09:21 POLITIKË

Eurodeputetja italiane mbërrin në Tiranë: Do jem në protestë

09:03 BOTA

Dështon armëpushimi në Lindjen e Mesme! SHBA godet objektiva ushtarake në Iran, Teherani kundërpërgjigjet: Do të përballeni me dhunë!

08:53 AKTUALITET

Mot i kthjellët dhe temperatura deri në 38°C, ja parashikimi për këtë të shtunë

Dua të lexoj më shumë lajme