Oerd, ti nuk rrëzove Bashën. Ti rrëzove demokratët.

Oerd, ti thua se në 2021 u gjende në anën e duhur të historisë. Shkruan për ideale, amanete dhe energji demokratike. Mirë bën. Por vjen një moment kur secili duhet të ulet përballë llogarisë së ftohtë: çfarë prodhoi rruga që zgjodhët? Çfarë ndërtuat? Ku është sot Partia Demokratike?

Historia nuk ha metafora. Historia do fakte dhe fakti është ky: Më 9 shtator 2021 nuk ia bëtë Bashës. Ia bëtë demokratëve.

Ju e goditët një parti që ende kishte marrëdhënie korrekte me SHBA-në, që e respektonte SPAK-un dhe që po përpiqej të ndërtonte një opozitë perëndimore, jo tribale.
Ju i mësuat demokratëve se individët janë më të rëndësishëm se institucioni. Pikërisht aty filloi rrëshqitja.

Lulzim Basha kishte dy parime të panegociueshme: Të mos vinte PD-në kundër SHBA-ve. Ishte koha e urave, jo e luftës me partnerin strategjik.
Të mos sulmonte SPAK-un. Të mos përdorte drejtësinë si armë. Të mos digjte institucione në emër të një individi dhe sot të dyja këto shtylla janë shembur.

Ky është realiteti, Oerd. Jo kujtimet. PD sot është më e dobët se kurrë. Le të heqim emocionet dhe interesat personal. Le të shohim numrat, aty ku mbarojnë iluzionet: 300 mijë vota më pak nga 2021. Asnjë qytet i madh i fituar.Asnjë aleat strategjik.
Asnjë vizion, asnjë plan, vetëm mbijetesë.

Kjo nuk është PD që ëndërruan studentët e dhjetorit.
Nuk është PD e 1992-shit. As e ringritjes së ’97-s.
Kjo është një PD e tkurrur, e frikësuar nga e vërteta dhe largimi i Bashës nuk ju fuqizoi por ju paralizoi.

Premtuat rilindje. Sollet përçarje.
Premtuat bashkim. Sollet fise, krahina dhe fraksione.
Premtuat betejë me Ramën. Sollet luftë civile brenda PD-së dhe mbi të gjitha: SHBA ju ka kthyer shpinën.

Partia që dikur ishte forca më proamerikane në Ballkan, sot në Uashington shihet si një enigmë e trishtë.
Kur një parti humbet SHBA-në, humbet oksigjenin politik.
Armiku i demokratëve sot nuk është jashtë, është brenda shtëpisë suaj.

Mund të shpikni sa armiq të doni: Bashën, Bejkon, Flutra Açkën, Alibeajn, Pampurin apo kë të doni. Mund të ndërtoni mite, fantazma dhe pseudo-tradhtarë. Demokratët e kanë kuptuar: Armikun e PD-së e krijuat ju me ndihmën e Ramës, duke e bërë PD-në të papërdorshme.

Ju e mbajtët Ramën në pushtet sepse keni thyer opozitën, jo mazhorancën. Demokracia nuk ndërtohet me mitingje, por me parime. PD-ja sot nuk drejtohet as me statut, as me kolegjialitet por me improvizim, frikë dhe servilizëm.
9 shtatori i 2021-shit, dita kur ju dolët kundër, nuk do të mbahet mend si dita e lirisë, por si dita kur PD humbi rrugën:
Humbi idealin euroatlantik.
Humbi busullën morale.
Humbi bazën urbane.
Humbi 300 mijë vota.
Humbi veten.

E vërteta është e thjeshtë:PD sot është e dobët sepse ju e bëtë të dobët dhe një fjali në fund: Ju mund të shkruani pafund për idealet e ’90-s por studentët atëherë luftuan për liri, për Perëndim, për demokraci.
Sot PD lufton për të shkuarën, jo për Shqipërinë.
Deri sa kjo të ndryshojë, Ramën në pushtet nuk e mban as Basha, as amerikanët, as askush tjetër.
E mbani ju. Kjo është e vërteta.

Po ndodh...

13:16 EKONOMI&SOCIALE

Lajm i mrekullueshëm! Lahuta zyrtarisht pjesë e UNESCO

13:00 BOTA

BE bën pakt për emigrantët: Do të rishpërndahen ose shtohet lista e vendeve të sigurta, nuk ka më azil nga Kosova

12:56 SPORT

Goditi me grusht një tifoz, sulmuesi i Anglisë bie në prangat e policisë

12:45 AKTUALITET

Vdekja tragjike e të riut në anijen panameze në Portin e Durrësit, arrestohen kapiteni dhe inxhinieri

12:44 SPORT

“Lumë” parash në dasmën e motrës, Uzuni shpërthen ndaj kritikëve: Kam qenë -0, sot ia kam siguruar familjes të ardhmen!

12:33 AKTUALITET

Shkatërrohet banda shqiptare e vrasësve me pagesë në Greqi, kush është kreu që njihet si mizor dhe i shumë i rrezikshëm

12:24 BOTA

Australia vendi i parë në botë që ndalon përdorimin e rrjeteve sociale për fëmijët nën 16 vjeç, ligji hyn në fuqi të mërkurën

12:19 POLITIKË

Çështja e “21 janarit”, Topi flet me gazetarët pas daljes nga SPAK: Çdo gjë është në fazë hetimi

12:08 AKTUALITET

Aksident i rëndë në aksin Korçë–Bilisht, raportohet një i vdekur

12:02 SHOWBIZ

“Më thanë hajde qaj në emision”, Erik Lloshi tregon ftesën absurde që i erdhi pas vdekjes së Shpat Kasapit

11:53 BOTA

Turi i Zelenskyt në Evropë, presidenti takon Papa Leon, Vatikani: Dialogu, thelbësor për paqe të qendrueshme në Ukrainë

11:37 AKTUALITET

Mbledhja e KLP, zgjidhet drejtuesi i ri të BKH

11:32 POLITIKË

PS nuk njeh tërheqjen e firmave të PD-së, çështja e Avokatit të Popullit shkon për shqyrtim në Komisionin e Ligjeve

11:28 AKTUALITET

Zgjedhja e drejtuesit të ri të BKH, të pranishëm përfaqësuesit amerikanë

Dua të lexoj më shumë lajme