Lajme flash
Ibrahimovic bën akuza të forta: Po bëhet gjithçka që Ronaldo ta fitojë Kupën e Botës
3 July 2026, 22:25 / SPORT
Ish-sulmuesi suedez Zlatan Ibrahimovic ka reaguar ashpër ndaj vendimeve të arbitrimit në ndeshjen mes Portugalisë dhe Kroacisë, duke pretenduar se përdorimi i VAR-it ndikoi drejtpërdrejt në eliminimin e kroatëve.
Debati u ndez pasi një gol i shënuar nga Kroacia në minutën e 103-të u anulua pas rishikimit me VAR, ndërsa Portugalia siguroi fitoren 2-1 dhe kalimin në fazën tjetër të Kupës së Botës.
Duke folur për FOX Sports, Ibrahimovic tha se e ka analizuar disa herë aksionin që çoi në anulimin e golit dhe është i bindur se topi nuk ka prekur sulmuesin kroat Igor Matanovic.
Sipas tij, vendimi ishte i gabuar dhe ndikoi në fatin e ndeshjes.
“Gjyqtarët po bëjnë çdo gjë në fuqinë e tyre për ta ndihmuar Cristiano Ronaldon ta fitojë Kupën e Botës, ndërsa vazhdojmë të dëgjojmë se Lionel Messi është favoriti i FIFA-s. Kjo është një vjedhje e qartë. Topi nuk e preku fare lojtarin kroat”, u shpreh Ibrahimovic.
Legjenda suedeze kritikoi gjithashtu mënyrën se si po përdoret sistemi VAR, duke thënë se teknologjia po analizon detaje minimale në vend që të shërbejë për korrigjimin e gabimeve të dukshme.
“Tifozët nuk shkojnë në stadium për të parë ekranet. Ata shkojnë për emocionet e futbollit. Kemi arritur në një pikë ku VAR-i nuk po përmirëson gabimet, por po kërkon milimetra që askush nuk mund t’i dallojë gjatë lojës”, deklaroi Ibrahimovic.
Deklaratat e tij kanë nxitur reagime të shumta në rrjetet sociale, ndërsa polemikat për arbitrimin dhe përdorimin e VAR-it në Kupën e Botës vazhdojnë të dominojnë diskutimet në botën e futbollit.
Po ndodh...
Vulën që Edi Rama ia dha Sali Berishës, ia mori populli
Nga Bato Kosova
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128
Komente (0)