FLASH NEWS
Plas skandali pas përballjes Flamurtari-Teuta! Sulmohet arbitri, detyrohet të dalë me furgon policie nga Vlora
2026-05-07 10:42:49 / SPORT
Kategoria Superiore po kalon ditë plot tension e incidente në këto javë të fundit, kur gara është e egër, sidomos për mbijetesën.
Ditën e djeshme u caktua “kurbani” i parë, me Flamurtarin, që barazoi 1-1 me Teutën dhe dokumentoi rënien në Kategorinë e Parë.
Në fund të ndeshjes pati një incident të paprecedentë me arbitrin, që të kujtonte vitet ‘90 fillimet e viteve 2000. Gjyqtari i ndeshjes, Eldorjan Hamiti, bashkë me ndihmësit e tij është dashur të transportohet me furgon të policisë për të dalë nga stadiumi dhe nga qyteti i Vlorës.
Një video në rrjetet sociale tregon se disa tifozë e kanë pritur deri në momentin që ka dalë nga dhomat e zhveshjes pas ndeshjes dhe e kanë sulmuar edhe me sende të forta.
Situata në lidhje me arbitrin lezhjan u ndez që para ndeshjes. Flamurtari publikoi një qëndrim në forma proteste për caktimin e tij në ndeshjen e djeshme.
Më pas, një penallti e pretenduar nga vlonjatët në fund acaroi gjithçka dhe bëri që të jemi dëshmitarë të këtyre skenave aspak të hijshme për futbollin shqiptar, që në vitet e fundit po aspiron të rritet dhe të kaloje kufijtë.
Happening now...
Sali Llapa
Nga Bato Kosova
ideas
top
Alfa recipes
services
- POLICE129
- STREET POLICE126
- AMBULANCE112
- FIREFIGHTER128