FLASH NEWS
Teatri që fsheh prapaskenën
2025-12-18 13:36:23 / IDE
Gjithmonë, pas pazarit ka një teatër që publiku të harrojë.
E nuk u zhgënjyem as këtë herë. Deputetët që firmosën Avokatin e Popullit, të pagëzuar prej tyre si "lepuri i Surrelit", u shfaqën të përpiktë në skenën e teatrit. Dikur ka qenë Teatri në ekran, (me sa mbaj mend të enjten ka qenë dhe në atë kohë), tani është teatri në Parlament.
Në përpjekje për të tretur turpin e pazarit me firmat e Avokatit të Popullit, deputetët që ishin dhe firmëtarët kryesorë, u turren në skenë dhe luajtën lojën e tyre. Një tango tashmë. E një tango kërkon dy kërcimtarë, që me sa duket e kanë gjetur veten PS-PD.
E njëjta gjë edhe me kodin zgjedhor para më shumë se një viti, ku pazari u pasua me skena të ngjashme teatrale, me të njëjtit aktorë protagonistë, me ca prurje të reja që spikatin më shumë në rol. E njëjta gjë me amnistinë. Pazar që pasohet nga skena "lufte" në Parlament.
Njerëzit nuk janë më budallenj, tashmë e dinë se pas skenës së Teatrit, prapa perdes ka gjithmonë një "deal", ku asnjë palë nuk humbet, veç interesi real i qytetarëve shqiptarë.
E po flasim në fakt për opozitën "e vërtetë", jo atë "të shitur" para disa vitesh te Edi Rama.
Që të jemi realistë, kjo skena e gjasmë luftës në Kuvend i intereson vetëm Edi Ramës. Edhe sot teatri nuk shërbeu për asgjë. Endri Shabani u betua si Avokat i Popullit, madje pati edhe lirinë të dërgonte edhe një puthje dashurie për deputetët e opozitës që ia shtruan rrugën drejt asaj karrigeje.
Happening now...
83 mandates are not immunity for Rama's friends
Nga Gentian Gaba
ideas
Teatri që fsheh prapaskenën
Nga Patrik Sadikaj
Berisha's red line and the black line of democracy in the DP
Besmir Semanaj
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128