FLASH NEWS
Died at the age of 40 from a cardiac arrest, tribute in honor of journalist Namir Lapardhaja at the Palace of Culture in Berat
2026-03-25 14:01:54 / AKTUALITET
Gazetari Namir Lapardhja humbi jetën nga një arrest kardiak në Gjermani një javë më parë. Sot u zhvilluan homazhe në Pallatin e Kulturës “Margarita Tutulani” në Berat.
Drejtues të lartë të politikës shqiptare dhe miq të tij, e quajnë këtë humbje, një humbje të madhe për qytetin e Beratit dhe jo vetëm.
Gazetari Namir Lapardhaja u nda nga jeta në mënyrë të papritur një javë më parë në Gjermani, si pasojë e një ataku kardiak.
Lajmi i trishtë preku jo vetëm familjarët dhe miqtë por të gjithë komunitetin ku ai kontribuoi me përkushtim në fushën e gazetarisë.
Në nderim të jetës dhe veprës së tij, në homazhet në Pallatin e Kulturës “Margarita Tutulani” në Berat, u mblodhën dhjetëra qytetarë, miq të afërt, drejtues të Partisë Demokratike, kolegë, si dhe drejtues vendor, për t’i dhënë atij lamtumirën e fundit.
I lindur në Berat në vitin 1986,ku edhe kaloi vitet e para të jetës, Namir Lapardhaja kreu studimet e mesme në Medresenë e qytetit, një përvojë që ndikoi në formimin e tij intelektual dhe në sistemin e vlerave që do ta shoqëronin më pas.
Më tej, ai ndoqi studimet e larta në Universitetin e Tiranës dhe përfundoi një master të nivelit të dytë në “Studime Letrare”, duke ndërtuar një profil që ndërthurte arsimin me analizën dhe publicistikën.
Ai ushtronte profesionin e mësuesit dhe paralelisht u angazhua në median e shkruar dhe atë vizive, ku u dallua për analizat dhe qëndrimet e tij të drejtpërdrejta mbi zhvillimet politike dhe shoqërore. Angazhimi i tij lidhej ngushtë me qytetin e Beratit, ku ai njihej si një zë opozitar dhe pjesë e strukturave të Partia Demokratike. Megjithatë, në vitet e fundit ishte tërhequr nga përfshirja aktive në politikën vendore, duke u fokusuar më shumë në analizë dhe reflektim publik.
Ai ishte autor i tre librave, “Përtej heshtjes”, “Në kërkim të kuptimit” dhe “Refleksione”, përmes të cilëve sillte mendim kritik dhe reflektime mbi shoqërinë, letërsinë dhe përvojën njerëzore. Lapardhaja rridhte nga një familje e persekutuar beratase, një element që ndikoi në formimin e tij dhe në raportin kritik me realitetin politik dhe shoqëror.
Prej disa vitesh ai jetonte në Gjermani, pa u shkëputur nga debati publik në Shqipëri, ndërsa në jetën personale ishte baba i dy vajzave dhe njihej si një njeri i përkushtuar dhe korrekt në marrëdhëniet njerëzore dhe profesionale.
Pas homazheve, kortezhi mortor u nis drejt varrezave të Burdulliasit në Berat, ku do kryhet edhe ceremonia e përcjelljes së tij për në banesën e fundit.
Happening now...
ideas
Saliu's horse, Ed's taggia
Nga Adrian Thano
Italy/ Investigations, laws and poisons, the eternal clash between politics and justice
Nga Giovanni Bianconi
This PD doesn't know how to value life or death anymore!
Nga Fitim Zekthi
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128