English
Luaj me Fjalëkryq
Lajme flash

Zelensky: Plani i paqes nga Ukraina dhe Europa është gati, do t’ia prezantojmë SHBA-ve

9 Dhjetor 2025, 18:10 / BOTA ALFA PRESS

Zelensky: Plani i paqes nga Ukraina dhe Europa është gati, do

Presidenti i Ukrainës, Volodymyr Zelensky, ka deklaruar se plani i paqes i përgatitur nga Ukraina dhe vendet evropiane është gati dhe se shumë shpejt do t’i prezantohet Shteteve të Bashkuara.

Në një deklaratë të bërë në rrjetet sociale, Zelensky u shpreh se Kievi dhe partnerët e tij në Evropë janë të përkushtuar për një paqe të qëndrueshme dhe reale, ndërsa theksoi se tashmë janë përmbyllur diskutimet me ekipin negociator pas takimit të zhvilluar në Londër, në nivel këshilltarësh të sigurisë kombëtare të vendeve aleate.

“Ne po punojmë shumë për t’i bërë hapat drejt paqes sa më të realizueshëm të jetë e mundur. Së bashku me Shtetet e Bashkuara, presim të ecim përpara sa më shpejt të jetë e mundur

Gjithçka varet nëse Rusia është e gatshme të ndalojë gjakderdhjen dhe të parandalojë rigjallërimin e luftës”, tha ai.

“Në të ardhmen e afërt, ne do të jemi gati t’u dërgojmë dokumentet përfundimtare Shteteve të Bashkuara”, përfundoi presidenti ukrainas në postimin e tij.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128