Ribashkim çiftesh me solucion magjik/ Demaskohet astrologia që kërkon 500€

Prej vitesh Piranjat janë përballur me njerëz që pretendojnë se kanë fuqi të të ndryshojnë jetën. Magjistare, fallxhore, shëruese e pseudobamirës, të cilët premtojnë të zgjidhin çdo problem të jetës, por që kanë vetëm një qëllim, të të zhvasin.

Recetat e tyre janë të ndryshme, por përfundimi shumë i ngjashëm sidomos kur bëhet fjalë te pagesa.

Këtë herë fati na solli të njohim një astrologe, e cila në rrjetet sociale premton diçka që do ta kishte zili edhe vetë Ai lart, ribashkimin e çifteve me një solucion magjik.

Zonja në fjalë, në fakt nuk është e panjohur për shikuesit. Ajo quhet Elena Demollari dhe ka një aktivitet të regjistruar në QKB si astrologe.

Por përtej suksesit të jashtëzakonshëm në astrologji dhe vëmendjes së shtuar mediatike, kjo zonjë 45-vjeçare po eksperimenton edhe në lëngjet magjike ndoshta e inspiruar nga Harry Potter.

Sipas zonjës Elena, nëse partneri ju ka braktisur, nuk ka nevojë për komunikim, reflektim apo terapi çifti. Mjafton një lëng dashurie dhe një 500 euroshe. Në realitet, shëruese e zemrave nuk është se donte ta deklaronte këtë veti të lëngut magjik që kishte shpikur. Madje, e pyetur në një studio televizive, e mohoi kategorikisht se merrej me magji të tilla.

Sidoqoftë, ne nuk është se u besojmë të gjitha gjërave që thuhen përpara kamerave, prandaj vendosëm ta takojmë vetë astrologen e njohur, duke shprehur nevojën urgjente për një ribashkim në çift.

Direkt e në temë, ka nipt zonja astrologe.

500 euro për të rikthyer dashurinë e humbur.

Në fakt nuk është ndonjë shumë e madhe. Dynjaja shkrijnë pasurinë për dashurinë. Pasi na ka bindur për aftësitë e saj ribashkuese, mendojmë ta takojmë nga afër astrologen Elenë. Ndaj komunikojmë sërish me të për të lënë një takim. Me sa duket, përveç ribashkimit të çifteve, zonja ofron edhe konsultim sentimental në kafe. Por në momentin që biseda zhvillohet nga afër, astrologia bën një kthesë të papritur.

Na thotë se nuk e ka këtë produkt.

Pra, një produkt që pak ditë më parë kushtonte 500 euro, papritur nuk ekziston.

Në fakt, kjo tërheqje ka si shkak intervistën e bërë pak ditë përpara këtij takimi. Sot kemi ribashkim me gjeometri të shenjtë. Lëngu magjik ka mbaruar. Energji e shenjtë, pastrim energjitik janë koncepte spirituale që, pavarësisht kontestimeve, nuk kanë aspak lidhje me raportet e çifteve, aq më tepër me mundësinë e ribashkimit.

Por kjo zonjë i përdor si karta për të mashtruar personat që, për një hall apo një tjetër, e kanë kontaktuar. Ndërsa ne po mundohemi të kuptojmë se deri ku arrin niveli i mashtrimit nga kjo pseudobamirëse, befas ajo diçka dyshon.

Këtu duhet të sqarojmë se një ditë para se të takoheshim me të, një faqe online publikoi foton e solucionit magjik që Elena kishte reklamuar për ribashkime çiftesh. Nga ky moment, Elena vendos të fshijë menjëherë foton nga profili i saj dhe të publikojë një sqarim për të larë duart nga mashtrimi.

Në këtë pikë të bisedës kuptojmë se zonja Elena ka nisur të dyshojë tek ne. Edhe pse duket që ka dëshirë të vazhdojë me ritualet e saj magjike, por për shkak të skandalit me lëngun magjik, thjesht nuk ka besim.

Megjithatë, edhe pse thotë se solucioni nuk ekziston pak minuta më vonë ajo pranon se ekziston një “version” i tij.

Pas paranojave të njëpasnjëshme gjatë bisedës, duket se pseudo-astrologia ka marrë guxim të tregojë më shumë rreth produkteve magjike me të cilat bën ritet e saj. Aq sa fillon të na sugjerojë edhe një lëng tjetër magjik me fuqi ribashkuese.

“Çupa rosa” është për afrimitetin, që të jesh më e afrueshme me dashurinë tënde. Dhe unë jam lidhur me këtë dyqan që i marr. A nuk është momenti që t’i japim fund këtyre ofertave qesharake të saj?

Tani është momenti të largojmë fëmijët, sepse astrologia e licencuar dhe e ftuar në dhjetëra studio televizive, na shpalos një fjalor të denjë për pullë të kuqe. Duket se kur bëhet fjalë për para, astrologia acarohet menjëherë, aq sa del nga vetja. /Piranjat News

Po ndodh...

21:29 BOTA

Teherani lehtëson masat shtrënguese në Ngushticën e Hormuzit, do të lejojë kalimin e ndihmave humanitare

21:26 POLITIKË

Emrat/ Përfundon Asambleja e PS në Njësinë nr.2 në Tiranë, Rama prezanton ekipin e ri drejtues

21:24 AKTUALITET

Abuzime te Syri i Kaltër, shkarkohet nga detyra drejtori i AKZM-së në Vlorë

21:11 SPORT

The Guardian “flet” shqip, artikull special për Kosovën: Përralla e Kupës së Botës

20:59 KOSOVA

Sot 27 vite nga ndërhyrja e NATO-s në Serbi, Kurti: U ndal gjenocidi dhe iu hap rrugë lirisë së Kosovës

20:56 BOTA

Njeriu më i pasur në botë i bashkohet telefonatës Trump–Modi, diskutohet çështja Iran

20:40 EKONOMI&SOCIALE

Nuk ndalet eksodi, 48 mijë shqiptarë bëhen shtetas të BE-së

20:30 BOTA

Të përfshirë në trafik droge dhe dhunë, Europol aksion ndaj bandës kriminale skoceze që vepronte në disa vende

20:16 BOTA

Sytë e botës nga Ngushtica e Hormuzit, OKB krijon grup pune për të adresuar krizën

19:50 POLITIKË

I pranishëm edhe Rama, mblidhet Asambleja e Partisë Socialiste e Njësisë nr. 2, prezantohen të deleguarit

19:44 SPORT

“Dy gola të dhuruar”, Ledio Pano nuk ndal kritikat për Silvinjon: Të gjithë shqiptarët donin Muçin e Mehmetin, edhe Mesi po të hynte në minutën e 82-të…

19:39 BOTA

Greqia goditet nga një tjetër tërmet, panik te banorët! Magnituda e lëkundjeve dhe epiqendra sizmike

19:29 AKTUALITET

I riu dërgohet i plagosur rëndë me thikë në spital, niset me urgjencë drejt Traumës në Tiranë! Dyshimet e para

19:21 BOTA

FBI e konfirmon: Drejtori Kash Patel është shënjestruar nga hakerat

Dua të lexoj më shumë lajme