Krimet në shkolla/ Dështimi i sistemit arsimor dhe drejtësisë rrit numrin e vrasjeve te fëmijët

Vitet e fundit, Shqipëria është tronditur nga disa ngjarje ku të mitur janë vrarë nga bashkëmoshatarët e tyre, pas konflikteve që shpesh nisnin si debate të vogla dhe përfundojnë në akte ekstreme. Fenomeni është shndërruar në një alarm kombëtar, ndërsa thika është bërë arma më e përhapur në duart e adoleshentëve.

Më 12 dhjetor 2025, pranë shkollës “Shejnaze Juka” në Shkodër, ndodhi një përplasje mes disa adoleshentëve, si pasojë e së cilës dy prej tyre mbetën të plagosur me mjet prerës.

më 25 nëntor 2025 në Durrës, një konflikt i ngjashëm përfundoi me humbje jete. 15-vjeçari Erjon Boba humbi jetën në spital disa ditë pasi u plagos me thikë në gjoks, gjatë një konflikti për motive të dobëta mes bashkëmoshatarëve. Autori i dyshuar, vetëm 14 vjeç u ndalua nga policia.

Në Tiranë, në vitin 2024, një konflikt i nisur në rrjetet sociale mes nxënësish përfundoi në mënyrë tragjike pranë shkollës “Fan Noli”, ku 14-vjeçari Martin Cani humbi jetën dhe një tjetër nxënës mbeti i plagosur. Përplasja, që u zhvendos nga hapësira virtuale në ambientet pranë shkollës, riktheu në vëmendje brishtësinë e sigurisë në institucionet arsimore dhe mungesën e mekanizmave efektivë parandaluese. Autori i ngjarjes, i mituri Marjo Përlleshaj, u dënua më pas nga gjykata me 16 vite burg.

Shkolla “Kolë Jakova” në Tiranë në 2024, ishte skena e një tjetër rasti ku një 14-vjeçar u plagos gjatë një sherri mes nxënësish. Edhe ky episod, ashtu si të tjerët, u cilësua nga ekspertët si sinjal i mungesës së strukturave reale për të parandaluar përshkallëzimin e konflikteve.

Në Gramsh, në vitin 2023, një ngjarje e rëndë tronditi qytetin dhe ngriti sërish alarmin për dhunën mes të miturve. Fatjon Bici, vetëm 15 vjeç, u vra me thikë në lulishten e qytetit, teksa po kthehej nga shkolla. Ai kishte ndërhyrë për të ndarë një sherr mes kushëririt të tij dhe katër bashkëmoshatarëve, por përpjekja për të shmangur konfliktin u kthye në tragjedi. Një goditje me thikë në zemër i mori jetën në vend. Hetimet zbuluan se konflikti kishte nisur më herët në rrjetet sociale, përpara se të përshkallëzohej në dhunë fatale në mes të qytetit.

Në Tiranë, Korçë dhe qytete të tjera janë regjistruar raste të shumta plagosjesh mes nxënësve të klasave të 8-ta dhe të 9-ta, shpesh brenda ose pranë shkollave. Incidentet nisnin nga bullizmi, presioni shoqëror dhe konfliktet e vogla të rrjeteve sociale.

Avokati Alban Duraj i cili ka ndjekur disa prej këtyre çështjeve thotë se vrasjet mes bashkëmoshatarëve nuk janë më raste të izoluara, por sinjal i një fenomeni kompleks ku ndërthuren trauma sociale, dhuna e heshtur dhe mungesa e politikave parandaluese efektive.

Çfarë parashikon ligji? Ligji shqiptar ka një kuadër të qartë për të miturit:

Por, avokati Duraj thekson se zbatimi është i mangët.

“Kuadri ligjor shqiptar garanton trajtim të veçantë në çdo fazë procedurale, përmes strukturave të specializuara, me fokus jo ndëshkimin, por rehabilitimin, por raste konkrete tregojnë se mbështetja psikologjike, sociale dhe institucionale mbetet e kufizuar. Edhe autorët të cilat janë të mitur, shpesh ekspozohen publikisht në media”, shprehet ai.

Sfidat aktuale dhe boshllëqet institucionale sipas avokatit, janë mungesë e bashkëpunimit mes shkollës, familjes dhe institucioneve si dhe sistemi i drejtësisë, që shpesh nuk ka kapacitetet e duhura për çështjet e të miturve.

Studimet tregojnë se bullizmi fizik, psikologjik dhe dixhital janë faktorë të drejtpërdrejtë në zhvillimin e sjelljeve agresive dhe kriminale. Në Shqipëri, mungesa e strukturave të ndërhyrjes së hershme, raportimi i ulët dhe normalizimi i dhunës në shkolla përkeqësojnë situatën.

Ndaj, për të frenuar fenomenin, kërkohet forcim i zbatimit të drejtësisë për të miturit, ngritja e qendrave të ndërhyrjes së hershme, zbatim i detyrueshëm i moduleve të edukimit social në shkolla, mbështetje më e madhe për familjet, përfshirë këshillim dhe ndihmë psiko-sociale./ACQJ

Po ndodh...

17:47 SPORT

Arbër Hoxha sërish protagonist në Kroaci, jep asist në fitoren e Dinamo Zagrebit

17:31 BOTA

Përshkallëzim i konfliktit Tajlandë–Kamboxhia/ Shpallet shtetrrethim dhe viktimat e para civile

17:19 Fjalëkryq

Skemë kampionësh 14 dhjetor

17:16 SPORT

Napoli bie keq, humbje e hidhur në Udine

17:08 SPORT

STATISTIKA/ Përballje në kohë të “gabuara”, Dinamo vuan ndaj Egnatias

16:46 POLITIKË

Analiza e REL: Ballkani në qendër, si e sheh SHBA rajonin?

16:42 AKTUALITET

Morën peng dhe dhunuan 32 vjeçarin/ Lirohet “Duçja”, vëllai i deputetit dhe dy të tjerë (EMRAT)

16:32 AKTUALITET

Përfshihet nga flakët dhe shkrumbohet plotësisht automjeti pranë rrethrrotullimit të Saukut

16:28 SPORT

Java e 16-të e Kategorisë së Parë/ Laçi mposht Skënderbeun, fitojnë edhe Pogradeci, Korabi & Besa

16:15 BOTA

Zelensky: Kievi është i gatshëm të heqë dorë nga aplikimi për anëtarësim në NATO

15:58 POLITIKË

BKH i përgjigjet flak për flakë Ramës: Erdhëm në kryeministri për masën ndaj Ballukut, ja e vërteta e armëve!

15:44 BOTA

VIDEO/ Masakra me 12 viktima në Australi, momenti kur policia neutralizon autorët e dyshuar

15:30 Fjalëkryq

English Crossword Puzzle 14 December

15:25 SPORT

U largua nga fusha me barelë, ja sa do mungojë mesfushori i kombëtares

Dua të lexoj më shumë lajme