Lajme flash
Arrestohen tre hajdutët serialë në Tiranë
3 Mars 2024, 11:27 / AKTUALITET
Tre persona janë arrestuar nga Policia në Tiranë pasi akuzohen se janë autorë të shtatë vjedhjeve të kryera në kryeqytet ditët e fundit. Bëhet fjalë për shtetasit Aleksandër Ndrelalaj, Erandoi Alo dhe Glodjan Dervishi.
Policia sqaron se njëri prej të arrestuarve po hetohet për vjedhjen e një shumë parash në një biznes në Sheshin “Karl Topia”, ndërsa dy të tjerët kanë hyrë në banesa të ndryshme dhe kanë marrë shuma parash.
” Zbardhen dhe dokumentohen 7 vjedhje të kryera ditët e fundit, në Tiranë, vihen në pranga 3 autorët e dyshuar. U vunë në pranga shtetasit A. N., 53 vjeç, banues në Fushë Krujë, E. A., 30 vjeç, dhe G. D., 40 vjeç, banues në Tiranë.
Nga veprimet hetimore ka rezultuar se 3 shtetasit, ditët e fundit, kanë kryer vjedhje të ndryshme në zonën e Tiranës. Shtetasi E. A., dyshohet se ka vjedhur një shumë parash në një biznes në sheshin “Karl Topia”, ndërsa dy shtetasit e tjerë, dyshohet se kanë vjedhur shuma parash në 6 banesa, në kohë dhe vende të ndryshme”,- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128