Lajme flash
Tifozët brazilianë “përulin” Messin dhe Maradonën para Pelés
19 Qershor 2026, 20:15 / SPORT
Rivaliteti historik mes Brazilit dhe Argjentinës ka marrë një tjetër kthesë gjatë Botërorit 2026, këtë herë larg fushës së lojës. Një pankartë e shfaqur nga tifozët brazilianë në Filadelfia ka shkaktuar reagime të shumta dhe është përhapur me shpejtësi në rrjetet sociale.
Përpara ndeshjes së Brazilit ndaj Haitit, mbështetësit e “Seleçaos” pushtuan rrugët e qytetit amerikan me këngë dhe festime, por vëmendjen më të madhe e mori një ilustrim gjigant me mesazh provokues ndaj rivalëve argjentinas.
Në pankartë, legjenda braziliane Pelé paraqitet në një fron mbretëror, ndërsa dy ikonat e futbollit argjentinas, Diego Maradona dhe Lionel Messi, shfaqen në role simbolike nën autoritetin e tij. Mesazhi i tifozëve brazilianë ishte i drejtpërdrejtë: për ta, Pelé mbetet figura më e madhe që ka njohur ndonjëherë futbolli.
Pamjet kanë nxitur menjëherë debat mes tifozëve në rrjet, duke rihapur diskutimin e vjetër mbi futbollistin më të madh të të gjitha kohërave.
Ndërsa brazilianët mbrojnë trashëgiminë e Pelés, argjentinasit vijojnë të vendosin në krye Maradonën dhe Messin, duke e mbajtur të ndezur një nga rivalitetet më të forta në historinë e sportit.
Po ndodh...
Çfarë tha e nuk i doli!
Nga Alfapress
ide
Shkëlqimi dhe rënia e shokut Edi
Nga Demush Shasha
Aleanca e Vulave dhe Kullave, përballë Republikës së Re
Nga Azgan Haklaj
Fillimi i fundit të pushtetit në Shqipëri...
Nga Veton Surroi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128