Lajme flash
Pozicioni i padukshëm jashtë loje për Ferran, VAR-i dhe gjyqtari “tërbojnë” Barcelonën
23 Prill 2026, 09:54 / SPORT
Barcelona u përball përsëri me gjyqtarin Carlos del Cerro si gjyqtar i VAR në ndeshjen e tyre kundër Celta Vigos dhe përsëri lindën polemika rreth një vendimi të gjyqtarit të lindur në Madrid.
Në minutën e 55-të, Ferran Torres shënoi një gol spektakolar pas një pasimi të shkëlqyer nga Pedri, duke e bërë rezultatin 2-0, por Del Cerro e njoftoi shpejt José Montero që të korrigjonte vendimin e tij dhe ta nxirrte në pozicion jashtë loje sulmuesin e Barcelonës.
Goli i Ferran Torres u anulua për shkak të një pozicioni të dyshuar si jashtë loje, por ritransmetimi në televizion ngriti shumë dyshime në lidhje me pozicionin jashtë loje, pasi sulmuesi i Barcelonës duket në një vijë me Marcos Alonson.
Konfuzioni të kujtonte imazhin sureal të këmbës “gjigante” të Leëandoëskit një vit më parë në të njëjtin stadium, të rikrijuar nga sistemi gjysmëautomatik i pozicionit jashtë loje
Pas ndeshjes trajneri Flick u shpreh: “Do të doja një shpjegim pse ishte pozicion jashtë loje”, dhe pati gjithashtu një postim në Instagram nga Cancelo në të cilin ai shprehu habinë e tij që goli i Ferran u anulua për pozicion jashtë loje.
Ky precedent vë edhe një herë në dyshim vendimet dhe teknologjinë e VAR-it, që përveç të mirave, duket se ka edhe elemente që i heqin bukurinë futbollit.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128