Lajme flash
"S’janë evidentuar raste të abuzimit, Rama lajmëron ngritjen e Task Force për kontrollet e karburanteve në treg
22 Mars 2026, 10:50 / POLITIKË
Kryeministri Edi Rama gjatë fjalës së tij në episodin e radhës të podkastit “Flasim”, komentoi edhe situatën e çmimeve të karburanteve.
Rama theksoi se ndër masat e ndërmarra nga qeveria për kontrollin e tregut, është ngritja e një Task Force dhe vendosja e një bordi transparence, si dhe ulja e përkohshme të akcizës.
Ai shtoi se të ardhurat shtesë do të përdoren për mbështetjen e pensionistëve, ndërsa paralajmëroi masa të reja për rritjen e transparencës dhe luftimin e abuzimeve në tregun e naftës.
“Kemi folur për këtë gjatë ditëve të fundit. Është një temë që kërkon vëmendje dhe ka vëmendjen tonë të vazhdueshme, orë pas ore dhe siç e kemi thënë, kemi ndërmarrë hapa konkretë, është ngritur një taskforcë në Ministrinë e Ekonomisë dhe atë të Financave me qëllim që të rritet kontrolli dhe të evidentohet çdo lloj abuzimi i mundshëm në treg.
Nuk janë vënë re abuzime, monitorimi vazhdon, dhe duke qenë se çmimi ka pasur një tjetër kërcim, është marrë vendimi që të hyjmë në regjimin e bordit të transparencës, i cili do të sigurohet se nuk do të ketë përfitues apo profiterë, siç i thonë në anën tjetër të bjeshkëve, që do të duan të shfrytëzojnë krizën për të futur më shumë para në xhep.
Në të njëjtën kohë është marrë edhe një vendim tjetër për të ndërhyrë me një masë të përkohshme, gjë që po e bëjnë edhe vende tjera në akcizën e naftës, duke i bërë asaj një ulje me rreth 20%, në mënyrë që të lehtësohet, si të thuash, disi barra mbi përdoruesit e automjeteve”, tha Rama.
Duke folur për ekonominë, Rama tha se Shqipëria po vijon një trend të qëndrueshëm rritjeje dhe se sipas parashikimeve ndërkombëtare, vendi pritet të shënojë një rritje të ndjeshme të Prodhimit të Brendshëm Bruto në kuadër të objektivave afatgjata.
Ai nënvizoi gjithashtu rritjen e pagave si në sektorin publik, ashtu edhe në atë privat, duke e cilësuar këtë si një faktor që nxit kthimin e shqiptarëve nga emigracioni.
Kryeministri Rama u ndal tek siguria kibernetike, duke deklaruar se Shqipëria renditet në dhjetëshen e parë në një indeks ndërkombëtar, si rezultat i investimeve dhe forcimit të kapaciteteve pas sulmeve kibernetike të viteve të fundit.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128