Pse Berisha gënjeu duke ja "rrasur" muratorit Rrapaj Koncesionin e Laboratorëve, të Karathanos dhe Allajbeut?

Kreu i PD, Sali Berisha, këtë të enjte gjatë konferencës për medien është pyetur për deklaratën e ministres së Shëndetësisë, Evis Sala, se në Qendrën Spitalore Universitare "Nënë Tereza", nga muaji prill nuk do të kryhen më analizat për qytetarët e sëmurë, pasi nuk ka fonde, duke pranuar kështu dështimin e koncesionit të "Laboratorëve", tashmë nën hetim nga SPAK.

Berisha në përgjigjen e tij deklaroi se ky skandal vjen si pasojë e korrupsionit të koncesionit të Laboratorëve, paratë e të cilit u vodhën nga Edi Rama, Ilir Beqja dhe Ogerta Manastirliu. Gjatë kësaj akuze, Berisha, bëri sikur ngatërroi pronarin e këtij koncesioni. Ai tha se Rama ja dha "muratorit" që solli nga Italia. Bëhet fjalë për Ilir Rrapajn, i cili në fakt është dënuar nga GJKKO me burg për një tjetër koncesion në Shëndetësi, atë të "Sterilizimit". 

Koncesionin e "Laboratorëve" ku kryhen edhe analizat, e ka marrë  Janis Karathano, ndërkohë që gjatë hetimeve të SPAK, rezulton se i përfshirë nē këtë aferë është edhe oligarku i shëndetësisë, Klodian Allajbeu. Këta dy biznesmenë nga PD dhe Sali Berisha, nuk përmenden kurrë. Ky i fundit në konferencën e fundit madje arriti deri aty, sa që për të mbuluar se kush qëndron vërtet pas koncesionit të "Laboratorëve" gënjeu publikisht, duke i "ngatërruar" me biznesmenin Ilir Rrapaj.         

Por si është e vërteta e këtij koncesioni korruptiv, i cili po hetohet në thellësi nga SPAK?                                 Në Gjykatën e Posaçme Kundër Korrupsionit e Krimit të Organizuar presin të shqyrtohen të paktën 9 kërkesa për kthim sendesh, të lidhura me një hetim të bërë shumë pak publik. Raportohet se kompani të lidhura me Klodjan Allajbeun e “Spitalit Amerikan”, lidhen me hetime intensive të javëve të fundit për Koncesionin e Laboratorëve në Shëndetësi.

Dokumente, celularë, kompjutera dhe materiale të tjera të vlefshme për hetim të koncesionit mbi 100 milionë euro janë sekuestruar te kompanitë koncesionare dhe të tjera të dyshuara të lidhura, si Spitalit Amerikan dhe pronarit Klodjan Allajbeu. Pikërisht këtij të fundit SPAK i ka sekuestruar telefonin gjatë kontrollit personal, të cilin biznesmeni kërkon t’i rikthehet nga gjyqtarja e hetimeve paraprake Elsa Ulliri.

“Toga e zezë’ e GJKKO do të duhet të shqyrtojë plot 9 kërkesa të lidhura më këto kontrolle, ku përveç Allajbeut edhe vetë Spitali Amerikan ka bërë një kërkese penale më vetë dhe kërkon kthimin e dokumenteve dhe sendeve të tjera të sekuestruara.

Kompania koncesionare, "Laboratory Networks", e krijuar nga bashkimi i tre bizneseve të ndryshme për të fituar menaxhimin e laboratorëve në spitalet rajonale dhe në 2 bashkiake në vitin 2019, është mes firmave, të cilës i është bërë kontroll dhe i janë sekuestruar sende me vlerë për hetimin. Administratorit të saj Sokol Ramizi, gjithashtu i është bërë kontroll personal dhe i është sekuestruar celulari, për të cilin kërkon rikthim. Ramizi është gjithashtu pronar 100% i një tjetër biznesi, "T-Medss" që merret me tregtim të aparateve dhe pajisjeve mjekësore, laboratorike dhe spitalore.

T-MEDSS është shoqëria mëmë për "Labopharma shpk", e cila zotëron 41.7% të koncesionit të Laboratorëve, pra pjesën më të madhe. Edhe te Labopharma janë ushtruar kontrolle të urdhëruara nga prokurorja e çështjes Dorina Bejko, siç ka ndodhur edhe me kompaninë tjetër fituese të koncesionit "AB Laboratory Solution Bv", një firmë e regjistruar në Holandë, me 33.3% pjesë në konsorcium. Kontrollet për llogari të kësaj kompanie janë bërë te PEGASUS Shpk me pronar një biznesmen grek me emrin Janis Karathano, shpesh i përmendur si i lidhur ngushtë me Klodjan Allajbeun e Spitalit Amerikan. Ky i fundit vetëm pak kohë më parë u mor rreth 3 orë në pyetje në SPAK, pikërisht për këtë hetim. "Pegasus" është shoqëria mëmë e "AB Laboratory Solution BV".  Si Labopharma ashtu edhe Pegasus kanë bërë kërkesa të veçanta në GJKKO për kthim të sendeve të sekuestruara.

Kompania e tretë e konsorciumit është francezja Exalab, e cila është konsideruar kur u dha koncesioni si plotësuesja e kushteve. Kredencialet e EXALAB shërbyen për të përmbushur kriteret e tenderit, ndonëse ajo përfaqësohet vetëm me 25% në konsorcium. Pronarët fundorë të kësaj kompanie nuk dihen, ashtu siç është e paqartë nëse SPAK ka kërkuar apo jo informacione për të.

Për t’u rikthyer te dyshimi i SPAK se pas Koncesionit të Laboratorëve fshihet Spitali Amerikan dhe Klodjan Allajbeu, prokurorja Dorina Bejko ka urdhëruar kontrolle personale edhe te tre persona të veçantë: Osvelda Qafa, shefe e operacioneve financiare në Spitalin Amerikan,  si dhe të çifti i bashkëshortëve Onejda Ymeraj dhe Arbër Teqja. Ymeraj është një prej drejtuesve kryesore të Spitalit Amerikan që prej vitit 2014, ndërsa Teqja ka qenë më herët pronar me 70% të aksioneve të një biznesi me emrin "Eco Riciklim", të cilin më vonë ia ka blerë kompania ANAMARK, pronar i së cilës është 100% Klodjan Allajbeu. Qafa, Ymeraj dhe Teqja kërkojnë në GJKKO kthimin e celularëve.

Kontrata koncesionare “Për ofrimin e shërbimit laboratorik të spitaleve universitare, rajonale dhe atyre bashkiake të Sarandës dhe Lushnjës” u firmos në 24 prill 2019, ndërsa procedurat kishin nisur që në vitin 2015. Një raport i tetorit 2021 nga Kontrolli i Lartë i Shtetit gjeti shkelje të madhe dhe arriti në përfundimin se Ministria e Shëndetësisë e kishte dhënë atë në kundërshtim me ligjin “Për Koncesionet dhe Partneritetin Publik Privat”. Për këtë procedurë, KLSH paditi në SPAK, shtatë anëtarët e komisionit për dhënien e koncesionit si dhe i kërkon gjithashtu Ministrisë së Shëndetësisë që të marrë masa për rishikimin dhe zgjidhjen e kontratës.

Kjo është një pjesë nga dosja e gjigante e koncesionit të "Laboratorëve" për të cilin Sali Berisha nuk flet kurrë, por edhe kur pyetet nga gazetarët gënjen dhe përpiqet të fshehë gjurmët e familjes së tij në bizneset e Klodian Allajbeut dhe ortakëve të tij./Alfapress.al

Po ndodh...

14:59 Fjalëkryq

Skemë kampionësh 27 mars

14:45 Fjalëkryq

Skemë kinofjalëkryq 27 mars

14:05 BOTA

Garda Revolucionare njofton mbylljen e Ngushticës së Hormuzit dhe kërcënon: Çdo përpjekje për të kaluar, do të marrë përgjigje

13:51 SHOWBIZ

BBVA mbaroi për të por jo “marrëdhënia” me Top Channel, Kristi Lamaj zbulon rolin që do të ketë në një emision të ri

13:43 BOTA

Greqia jep lajmin e mirë për qytetarët e saj, nga 1 prilli rriten pagat minimale shkojnë në 920 euro bruto

13:34 SPORT

Vulosi fitoren e “dardanëve”, Hajrizi pas golit kundër Sllovakisë: Kënaqësi, me zemër për Kosovën

13:26 POLITIKË

Balluku shfaqet në Fier, Berisha thirrje qytetarëve: Gjuajeni me domate dhe vezë hajduten!

13:09 AKTUALITET

Dalin fotot e vrasësit Saraiva në gjykatë, Daily Mail: U paguan 1 milion euro për vrasjen e Ardian Nikulajt

13:00 POLITIKË

“Në hartën e drogës, narko-shteti i Ramës nxin më shumë se çdo vend”- Berisha: Foli me gjuhën e Padrinos, reagimi i një njeriu në rreth të kuq

12:42 AKTUALITET

Dyshohet se ka abuzuar seksualisht me një 20-vjeçare, procedohet penalisht 57-vjeçari në Gjirokastër

12:30 KOSOVA

Jo vetëm Behgjet Pacolli, në dëshmitë e vrasjes së Liridonës përfshihet edhe administratori i Aeroportit të Vlorës

12:25 SPORT

VIDEO/ Brazili humbi ndaj Francës, tifozët brohorasin emrin e yllit dhe e duan në Botëror: Nejmar, Nejmar

12:20 EKONOMI&SOCIALE

"Bordi i Ramës vendosi arbitrarisht çmimet e naftës"/ Importuesit: Do pezullojmë importin dhe shitjen me shumicë

12:17 POLITIKË

Socialistët mblidhen në para takimit “retreat”, çfarë po përgatitet?

Dua të lexoj më shumë lajme