Pas rikonfirmimit si kryetar, Berisha mbledh sot kryesinë e PD, gati ndryshimet në statut, neni “Basha” mbetet në letër

Këtë të mërkurë pritet të mblidhet Kryesia e Partisë Demokratike, ku në fokus do të jenë një sërë ndryshimesh statutore, të hartuara vetëm pak ditë para mbledhjes së Këshillit Kombëtar të 30 majit. Sipas burimeve për mediat, mbledhja në selinë blu është parashikuar të nisë në orën 19:00, ndërsa drafti i ndryshimeve ende mbahet larg syrit të publikut.

Mësohet se ndryshimet që prekin “Kushtetutën” e Partisë Demokratike do të jenë kryesisht të natyrës organizative, duke përfshirë riformatime në strukturat drejtuese dhe kuotat për përfaqësimin e kategorive të caktuara në listat për deputetë apo kandidatë për bashki. Megjithatë, një nga pikat që nuk pritet të preket është pikërisht i ashtuquajturi “neni Basha”, i miratuar vite më parë për të detyruar kryetarin e partisë të japë dorëheqjen pas humbjes së zgjedhjeve.

Ironikisht, ndonëse ky nen vijon të mbetet në fuqi, ai duket se ka humbur vlerën në momentin kur u desh të zbatohej nga vetë lidershipi aktual. Ish-kryeministri dhe kreu i PD-së, Sali Berisha, zgjodhi të mos e respektojë këtë parashikim statutor pas humbjes përballë kryeministrit Edi Rama në zgjedhjet e 11 majit. Një “Kushtetutë partie” që funksionon për të tjerët, por jo domosdoshmërisht për atë që mban vulën dhe drejtimin politik të saj.

Edhe pse brenda vetë demokratëve nuk kanë munguar kritikat për mënyrën sesi po funksionojnë primaret, ky mekanizëm nuk pritet të ndryshohet. Burime pranë selisë blu bëjnë me dije se ndryshimet do të jenë më tepër organizative, ndërsa thelbi i statutit do të mbetet i paprekur.

Vula finale e këtyre ndryshimeve do të vendoset në Kuvendin Kombëtar të 30 majit, ku delegatët pritet të votojnë jo vetëm amendimet statutore, por edhe përbërjen e re të Këshillit Kombëtar.

Mbledhja e Kryesisë vjen vetëm pak ditë pasi Partia Demokratike zhvilloi zgjedhjet e brendshme, ku Sali Berisha ishte emri i vetëm në fletën e votimit dhe u rikonfirmua në krye të partisë me 37 mijë e 341 vota.

Po ndodh...

14:39 AKTUALITET

Grabitja në Rinas/ Vëllezërit Çala i drejtohen Kushtetueses, kërkojnë rrëzimin e vendimit të dhënë nga Gjykata e Lartë

Nga Baton Haxhiu 14:21 POLITIKË

Baton Haxhiu: Nuk ka as “biletë hyrjeje” e as “përgëzime”, por vetëm një kontratë të re të Evropës me Shqipërinë

Nga Baton Haxhiu

14:20 BOTA

Mbi 220 viktima që nga shpërthimi i Ebolës në Kongo, OBSH ngre alarmin: Nuk mund të izolojmë të prekurit ndërkohë që bien bomba

14:12 JETË

IA ndihmon në kontrollin e diabetit në spitale

14:08 POLITIKË

Media zyrtare gjermane: Faza më e vështirë për qeverinë shqiptare, fillon tani

13:58 BOTA

E rëndë në Greqi/ Ishte duke luajtur, 10-vjeçari bie aksidentalisht në një kanal ujitës dhe ndërron jetë

13:29 BOTA

“Po luani me zjarrin!”/ Tony Blair sulmon ashpër qeverinë laburiste: Po e çoni Britaninë jashtë elitës së kombeve! S’keni plan koherent për vendin

13:08 SPORT

Arbitrat në qendër të skandalit: Denoncimi për votën e Ferrieri Caputit dhe hetimet e Prokurorisë

12:56 AKTUALITET

Gjermania liberalizon shtetësinë, Hoxha: Revolucion ligjor për emigrantët shqiptarë, gjuha e integrimi mbeten kushtet kryesore

12:52 EKONOMI&SOCIALE

Bileta e autobusit me kartë bankare, Shoqata e Transportit konfuze për zbatimin dhe kostot

12:34 BOTA

Izraeli vret kreun e ri të Hamasit, terror në Gaza për Kurban Bajram

12:24 POLITIKË

BE uron Kurban Bajramin: Urojmë që kjo ditë të sjellë paqe, mirësi dhe solidaritet në çdo familje

12:18 MISTERE&KURIOZITETE

Alarmi global për Super El Niño! Sa është rreziku i ndërprerjes së internetit në mbarë botën

12:03 BOTA

Policia kundër korrupsionit bastis selinë partinë e kryeministrit, rritet presioni mbi qeverinë Sanchez

Dua të lexoj më shumë lajme