FLASH NEWS
BE, drejt kufizimit të rrjeteve sociale për të miturit/ Von der Leyen: Mund të dalim me një propozim ligjor këtë verë
2026-05-12 15:11:37 / BOTA
Presidentja e Komisionit Europian, Ursula von der Leyen, ka deklaruar se Bashkimi Europian po shqyrton mundësinë e rritjes së kufirit të moshës për përdorimin e rrjeteve sociale, dhe se një propozim ligjor mund të paraqitet gjatë verës së këtij viti.
Duke folur në një konferencë në Kopenhagen mbi mbrojtjen e fëmijëve në epokën e inteligjencës artificiale, Von der Leyen theksoi rëndësinë e mbrojtjes së të miturve në hapësirën digjitale dhe nevojën për t’u dhënë më shumë kohë fëmijëve që të zhvillojnë rezistencë gjatë fazave të hershme të rritjes.
“Besoj se duhet të shqyrtojmë një vonesë në përdorimin e mediave sociale. Në varësi të rezultateve të panelit të ekspertëve, mund të dalim me një propozim ligjor këtë verë”, u shpreh ajo.
Sipas saj, disa vende anëtare të BE-së, përfshirë Francën, kanë propozuar rritjen e kufirit të moshës në 15 vjeç ose një zgjidhje të unifikuar në nivel europian. Ndërkohë, ajo përmendi edhe shembullin e Australisë, e cila ka vendosur kufi minimal 16 vjeç për përdorimin e rrjeteve sociale.
Von der Leyen theksoi gjithashtu se rritja e kufirit të moshës nuk e heq përgjegjësinë nga kompanitë e teknologjisë, të cilat sipas saj duhet të sigurojnë platforma “të sigurta që në dizajn”, në përputhje me Aktin e Shërbimeve Digjitale (DSA) të BE-së.
Ajo shtoi se çdo kufizim do të varet nga një sistem i besueshëm verifikimi të moshës, duke iu referuar një aplikacioni të ri të BE-së për këtë qëllim, i cili megjithatë ka hasur kritika për çështje sigurie, por që sipas saj “plotëson kriteret e kërkuara”.
Happening now...
Attacks on Dumani and Berisha's silence on Ilir Shtufi
Nga Bato Kosova
ideas
The Time Paradox: Did Time Prove Yuri Kim Right?
Nga Drin Kastrioti
Rama and Berisha, the losing battle with the public
Nga Alfapress
Trash or Treasure?/ There are photographs that are worth as much as a story
Nga Albert Zadrima
top
Alfa recipes
services
- POLICE129
- STREET POLICE126
- AMBULANCE112
- FIREFIGHTER128