Vetëm 3% e bizneseve të vogla eksportojnë/ Ndërmarrjet shqiptare mbeten kryesisht të orientuara nga tregu i brendshëm

Ndërmarrjet e vogla dhe të mesme vijojnë të mbajnë peshën kryesore të ekonomisë shqiptare. Sipas të dhënave të publikuara nga Instituti i Statistikave, në vitin 2024 këto ndërmarrje përbëjnë pothuajse të gjithë biznesin aktiv në vend dhe janë burimi kryesor i punësimit dhe aktivitetit ekonomik.

Të dhënat tregojnë se 99.9% e ndërmarrjeve aktive në Shqipëri janë ndërmarrje të vogla dhe të mesme. Në këto biznese punojnë 82% e të gjithë të punësuarve në ekonomi, duke konfirmuar rolin e tyre vendimtar në tregun e punës dhe zhvillimin ekonomik të vendit.

Po ashtu, ndërmarrjet e vogla dhe të mesme realizojnë 81.4% të shitjeve neto në ekonomi, kryejnë 75% të investimeve dhe krijojnë 78.1% të vlerës së shtuar në ekonomi. Krahasuar me vitin 2023, pesha e tyre në ekonominë shqiptare mbetet pothuajse e pandryshuar.

Krahasimi me Bashkimin Evropian tregon se NVM-të kanë një rol edhe më të madh në Shqipëri. Në vendet e BE-së, ndërmarrjet e vogla dhe të mesme gjenerojnë rreth 65.1% të punësimit, ndërsa në Shqipëri kjo shifër arrin 82%. Edhe për sa i përket vlerës së shtuar në ekonomi, NVM-të në Shqipëri krijojnë 78.1%, ndërsa në BE kjo peshë është 53.6%.

Megjithatë, vetëm një pjesë e vogël e këtyre ndërmarrjeve janë të përfshira në tregtinë ndërkombëtare. Në vitin 2024, 3.1% e NVM-ve janë ndërmarrje eksportuese, ndërsa 11.9% janë ndërmarrje importuese, çka tregon se shumica e tyre operojnë kryesisht në tregun e brendshëm.

Sipas sektorëve të ekonomisë, mikrondërmarrjet kanë peshën më të madhe të punësimit në sektorin e akomodimit dhe shërbimit ushqimor. Ndërmarrjet e vogla janë më të përqendruara në ndërtim, ndërsa ndërmarrjet e mesme kanë peshë më të madhe në industrinë përpunuese.

Në total, gjatë vitit 2024 në Shqipëri numëroheshin 119,870 ndërmarrje aktive, nga të cilat vetëm 174 janë ndërmarrje të mëdha, ndërsa pjesa dërrmuese janë mikro, të vogla ose të mesme./SCAN

Po ndodh...

09:47 POLITIKË

Përplasje brenda PD/ Arsen Vasili nuk lejohet të kandidojë për kryetar dege

09:45 BOTA

“Nuk e dimë nëse Khamenei është gjallë”, Trump: Mund ta sulmojmë përsëri ishullin Kharg, për qejf

09:34 BOTA

Ndanë informacione ushtarake me Izraelin, arrestohen 20 persona në Iran

09:14 BOTA

Irak/ Sulm me dron në bazën ushtarake në Aeroportin Ndërkombëtar të Bagdadit

08:55 SHOWBIZ

Njëri do të lërë përfundimisht shtëpinë, kush janë dy banorët që shkojnë ‘kokë më kokë’

08:32 AKTUALITET

Lezhë/ I vihet tritol automjetit të agjentit të krimeve

08:23 EKONOMI&SOCIALE

Çfarë po ndodh sot me monedhat e huaja? Ja me sa po blihen dhe shiten dollari dhe euro

08:15 AKTUALITET

Parashikimi i motit për ditën e sotme, 15 Mars 2026

08:05 JETË

Horoskopi ditor për sot, e diel 15 mars 2026

00:02 SHOWBIZ

Komenti i rëndë ndaj Juelës, Greta përjashtohet nga gara dhe lë menjëherë shtëpinë

00:01 Fjalëkryq

Skemë e lirë 15 mars

23:47 SHOWBIZ

“Po të mos ishe i martuar…”/ Romancë mes Juelës dhe Rogertit? Banorët ngrenë dyshime

23:29 JETË

Tërshëra për darkë, një gabim apo ide e mirë për dobësim?

23:10 AKTUALITET

“Do të festonte ditëlindjen"/ Detaje nga vdekja e 25-vjeçares: Nuk e dhunonte veç i shoqi, por dhe anëtarët e tjerë të familjes

Dua të lexoj më shumë lajme