Tetori dyfishon numrin e turistëve të huaj/ Gjermanët dhe italianët shënuan numrin më të lartë të vizitorëve

Turizmi ka vijuar të japë sinjale pozitive edhe gjatë muajit tetor, duke sjellë një përmirësim të ndjeshëm si në numrin e vizitorëve ashtu edhe në netë qëndrimet në strukturat akomoduese në vend. Sipas të dhënave të publikuara nga Instituti i Statistikave (INSTAT), gjatë tetorit numri i përgjithshëm i vizitorëve u rrit me 39.1% krahasuar me të njëjtën periudhë të një viti më parë.

Rritja më e ndjeshme u regjistrua nga vizitorët jo-rezidentë, të cilët shënuan një rritje prej 55.4%, çka tregon se prania e turistëve të huaj gjatë kësaj periudhe është dyfishuar. Ndërkohë, vizitorët vendas patën një rritje më të moderuar, me 5.8%, duke reflektuar një stabilitet të kërkesës së brendshme për akomodim turistik.

Edhe netë qëndrimet pësuan rritje, duke u shtuar me 17.4% në total. Netë qëndrimet nga vizitorët e huaj u rritën ndjeshëm me 26%, duke konfirmuar tendencën e qëndrimeve më të shumta nga turistët ndërkombëtarë. Në të kundërt, për vizitorët vendas u regjistrua një rënie prej 3.1% në netëqëndrime, krahasuar me tetorin e vitit 2024.

Nga pikëpamja gjeografike, rritja më e madhe e vizitorëve u shënua në zonat bregdetare, ku numri i tyre u rrit me 73.6%, duke konfirmuar vijimin e atraktivitetit të bregdetit edhe jashtë sezonit të pikut veror. Paralelisht, akomodimet alternative dhe të ngjashme shënuan një rritje të konsiderueshme prej 54.4%.

Sa i përket origjinës së vizitorëve jo-rezidentë, në tetor 2025 pjesa më e madhe e tyre vinin nga Kosova, me 14% të totalit. Italia dhe Gjermania kontribuan secila me nga 13%, ndërsa Franca dhe Mbretëria e Bashkuar përfaqësuan përkatësisht 7% dhe 5% të vizitorëve. Pjesa e mbetur, rreth 48%, përbëhej nga vizitorë nga vende të tjera, çka dëshmon për zgjerimin e tregjeve dhe rritjen e interesit ndërkombëtar për Shqipërinë si destinacion turistik.

Në të njëjtën linjë pozitive është norma e shfrytëzimit të dhomave në hotele e cila arriti në 31.6% gjatë tetorit, nga 27.7% që ishte në tetor 2024, duke reflektuar një përmirësim të mëtejshëm të performancës së sektorit./SCAN

Po ndodh...

17:57 BOTA

SHBA/ Dhoma e Përfaqësuesve miraton projektligjin që kriminalizon tranzicionin gjinor për të miturit

17:41 POLITIKË

“Shqipëria po drejtohet nga banda, opozita ka humbur identitetin”, Besim Ndregjoni: PD të mos...

17:39 BOTA

Nga fantashkencë në realitet, kompania amerikane nis prodhimin e makinës fluturuese

17:23 AKTUALITET

Prefekti merr më shumë pushtet në territor, krijohet Prefekti Detar për zonat bregdetare

17:19 POLITIKË

PS kërkoi masa disiplinore për 29 deputetë të opozitës/ Sekretariati i Etikës vendos nesër

17:09 AKTUALITET

Autori i drejton armën në një lokal/ Del videoja e plagosjes së “Guccit” të Tik-Tok-ut

16:55 BOTA

Zelensky i përgjigjet kërkesës së SHBA-ve: Jemi gati për të zhvilluar zgjedhje presidenciale në Ukrainë

16:44 BOTA

Conte: Napoli të tregohet i duruar, kështu ia dalim ndaj Milanit

16:36 BOTA

SHBA-të njoftojnë shitjen më të madhe të armëve ndonjëherë për Tajvanin, pritet reagim i ashpër nga Pekini

16:25 AKTUALITET

Zgjidhet kryetarja e re e Gjykatës Kushtetuese

16:21 AKTUALITET

‘Prapaskenat’ e Transplantit të Veshkave/ Djali i shefes së Nefrologjisë, i lidhur me bizneset e Allajbeut

16:20 SPORT

Krahasimi i dy fazave, Dinamos i mungojnë pikët

16:10 KOSOVA

Dyshohet për krime lufte në Kosovë, Prokuroria Speciale merr nën akuzë një person

16:03 MISTERE&KURIOZITETE

Studim: Konsumimi i kivit përmirëson humorin brenda vetëm 4 ditëve

Dua të lexoj më shumë lajme