Operacioni me italianët, SPAK me njoftim zyrtar për goditjen e grupit të Igli Kamberit: Ishin të përfshira dhe katër gra, çfarë nxorën hetimet

Prokuroria e Posaçme kundër Korrupsionit dhe Krimit të Organizuar ka dalë me një njoftim zyrtar lidhur me operacionin e zhvilluar gjatë orëve të fundit në bashkëpunim me autoritetet italiane, ku u godit një grup i strukturuar kriminal i drejtuar nga Igli Kamberi, i dyshuar edhe për përfshirje në ngjarje të rënda kriminale, përfshirë vrasjen e Francesco Diviesti-t.

Operacioni i përbashkët mes SPAK dhe Drejtorisë Distriktuale Antimafia të Barit u zhvillua në kuadër të një skuadre hetimore ndërkombëtare, të mbështetur nga Eurojust, me fokus goditjen e një organizate me bazë në Shqipëri dhe veprimtari në Itali, e përfshirë në trafik ndërkombëtar droge dhe pastrim të produkteve të veprës penale.

Hetimet janë përqendruar gjithashtu në zbardhjen e vrasjes së Francesco Diviesti-t, e ndodhur më 25 prill 2025 në Canosa di Puglia, si dhe në identifikimin e mekanizmave financiarë përmes të cilëve paratë e trafikut të drogës qarkullonin nga Italia drejt Shqipërisë.

Sipas njoftimit, Gjykata e Posaçme dhe autoritetet italiane kanë lëshuar në total 15 masa sigurimi personal ndaj shtetasve shqiptarë dhe italianë, të cilat janë ekzekutuar në disa qytete në Shqipëri, Itali dhe Spanjë, në kuadër të një operacioni të koordinuar ndërkombëtar.

Hetimet kanë zbuluar një skemë të mirëorganizuar kriminale të përfshirë në vrasje me paramendim me metoda mafioze, trafik droge, armëmbajtje pa leje, tentativë zhvatjeje dhe pastrim ndërkombëtar parash, ndërsa një pjesë e grupit dyshohet se ka vepruar edhe në fshehjen e provave dhe pengimin e drejtësisë.

Në kuadër të çështjes janë sekuestruar gjithashtu pasuri të konsiderueshme, përfshirë shoqëri tregtare, automjete, llogari bankare dhe qindra mijëra euro cash të lidhura me aktivitetin kriminal të dyshuar.

Struktura e Posaçme kundër Korrupsionit dhe Krimit të Organizuar (SPAK) dhe Drejtoria Distriktuale Antimafia e Barit (DDA) zhvilluan mëngjesin e sotëm një operacion të përbashkët dhe të gjerë në kuadër të hetimeve ndërkombëtare në Shqipëri dhe Itali, i realizuar nga Skuadra e Përbashkët hetimore, e ngritur më mbështetjen e Eurojust.

Hetimet u përqëndruan në zbulimin e vrasjes së Francesco Diviesti-t, ngjarje e ndodhur më 25 Prill të vitit 2025, në Canosa di Puglia, në jug të Italisë dhe të një organizate kriminale shqiptare, me bazë në Tiranë, të përfshirë në trafikun ndërkombëtar të drogës dhe pastrimin e produkteve të veprës penale, nga Italia në Shqipëri.

Gjykata e Posaçme kundër Korrupsionit dhe Krimit të Organizuar ka lëshuar 10 masa sigurimi personal, ndërsa 5 të tjera janë lëshuar nga autoritetet gjyqësore italiane. Këto masa janë vendosur ndaj 11 shtetasve shqiptarë, 4 italianë, (përfshirë 4 gra, të vendosura nën masën e arrestit në shtëpi dhe detyrim paraqitje). Masat u ekzekutuan në bazë të një urdhër arresti ndërkombëtar në Tiranë, Fier, Vlorë (Shqipëri), në Barletta, në burgun e Romës dhe Agnani, (Itali) si dhe në Madrid (Spanjë).

Vrasje me paramendim, e kryer duke përdorur metoda mafioze të ekzekutimit

Posedim dhe mbajtje e paligjshme e armëve të zjarrit dhe municioneve;

Shkelje të masave parandaluese personale;

Pastrim ndërkombëtar i produkteve të veprës penale nga Italia në Shqipëri

Në masën paraprake të lëshuar nga Gjykata e Barit është konfirmuar qëndrueshmëria e provave ndaj tre personave, të hetuar si ekzekutorë material krimit të kryer ndaj Francesco Diviestit; një shqiptar (autori) dhe dy italianë nga Barleta, një burrë dhe një grua, që ndihmuan në fshehjen e gjurmëve të krimit duke mos e raportuar atë tek autoritetet gjyqësore.

Ekzekutimi i Francesco Diviesti-t –  25 Prill 2025

Hetimet zbuluan se në mbrëmjen e datës 25 Prill 2025, Francesco Diviesti u përfshi në një konflikt, në një bar të Barletta-s dhe u dërgua brenda disa shpellave, pranë një zonë të izoluar në Murgia-n e sipërme, në Casosa di Puglia, ku është qëlluar 5 herë nga dy pistoleta dhe më pas, i është vënë flaka brenda disa gomave, me qëllim që kufoma të digjej, sipas një metode të përdorur në vitet ’90, në këtë zonë. Duke iu referuar kësaj mënyre të ekzekutimi, hetimi u mor përsipër nga Drejtoria Antimafia e Barit, duke lokalizuar kufomën brenda katër ditëve. Më 25 Qershor, shtetasi shqiptar i përfshirë në krim, i cili ishte larguar dy ditë pas ekzekutimit të Diviesti-t, u arrestua në qytetin Roshe të Hungarisë, jo për vrasje, por për posedim të 24 kilogramëve kokainë të pastër, në kuadër të procedimit të Prokurorisë së Tranit. Drejtoria Antimafia e Barit i kishte dërguar provat kësaj Prokurorie për të bërë të mundur arrestimin e tij për këtë krim.  Në të njëjtën kohë, tek familjarë të tij u sekuestruan mbi 412.000 euro ‘cash’ si dhe u dokumentua përfshirja e tre shtetasve italianë në këtë çështje penale në hetim.

Rindërtimi i vrasjes së Diviesti-t dhe identifikimi i grupit kriminal të përfshirë në pastrimin e produkteve të veprës penale u bë i mundur falë një hetimi më të gjerë ndaj shtetasve shqiptarë të vendosur në Puglia, të zhvilluar nga Drejtoria Hetimore Antimafia e Barit, nën drejtimin dhe koordinimin e Drejtorisë Antimafia të Barit, në kuadër të trafiqeve ndërkombëtare të drogës nga Shqipëria në Puglia.

Lidhur më shtetasit e hetuar, GJKKO ka caktuar gjithashtu edhe sekuestron preventive për 4 shoqëri tregtare, 8 automjete, 10 llogari bankare dhe shumën prej 680.595 euro, të cilat u sekuestruan nga Policia e Shtetit në 14 Nëntor 2024 në Pikën e Kalimit Kufitar të Muriqanit, pas informacionit të marrë nga Qëndra Operative DIA, Bari.

Operacioni i sotëm është pjesë e një projekti hetimor shumëvjeçar mes SPAK dhe DDA-së të Barit kundër trafikut ndërkombëtar të kokainës dhe heroinës, të menaxhuara nga organizata kriminale shqiptare dhe pason operacionet:

Nga viti 2018 deri në 2025, këto operacione kanë çuar në vendosjen e 170 masave të sigurisë, sekuestrimin e pasurive në vlerën e miliona eurove dhe kapjen e mbi 7 tonëve drogë  (kokainë, heroinë, kanabis).  Në shkallë të ndryshme të gjykimit janë vendosur dënime deri në 20 vjet heqje lirie për secilin të pandehur..

SPAK i shpreh mirënjohjen Drejtorisë së Përgjithshme të Policisë së Shtetit për ekzekutimin e masave të sigurimit personal të kryera sot në Shqipëri.

Theksojmë se procedimi ndodhet ende në fazën e hetimeve paraprake.

Po ndodh...

12:02 SHOWBIZ

Fund i një bashkëpunimi historik: Ed Sheeran largohet nga labeli i tij diskografik

11:55 AKTUALITET

Prokurori i Antimafias italiane: Organizatat kriminale shqiptare, më të përhapurat në Europë, veprojnë me Kanun

11:55 POLITIKË

GJKKO pezullon afatet e paraburgimit për Veliajn! Ndreca përplaset me Ols Dadon: Kërkesa është antikushtetuese!

11:48 EKONOMI&SOCIALE

TIA dhe Vodafone sjellin teknologjinë Airbus në Tiranë

11:43 BOTA

Autobuzi i shkollës përplaset me trenin e pasagjerëve në Belgjikë, disa viktima dhe shumë të plagosur

11:28 POLITIKË

Mungesa të shumta të të pandehurve, shtyhet seanca në GJKKO për Veliajn

11:22 AKTUALITET

Helmimi i 56 studentëve në Akademinë e Policisë, Prokuroria e Tiranës informacion AKU-së pse vendosi që të zhbllokojë aktivitetin e Sori-Al

11:09 SPORT

Doli nga fusha i dëmtuar, Inter Miami zbulon gjendjen e Leo Messi-t

11:01 AKTUALITET

Aksioni i përbashkët me Antimafian italiane, kreu i SPAK jep detajet: 15 urdhër-arreste. Sekuestruam 1 mln euro cash, bllokuam pasuri

10:46 SHOWBIZ

“Arkiv për finale!”/ Malbora hedh dyshime të forta, çfarë po ruan për Indrin?

10:44 BOTA

Rikthehet lufta?!/ Garda Revolucionare Islamike rrëzon dronin amerikan, qëllojnë edhe avionin luftarak F-35

10:33 POLITIKË

Ndarja e procesit nga të pandehurit e tjerë, mbahet sot seanca e parë në GJKKO për Erion Veliajn

10:14 AKTUALITET

Përplasi për vdekje 7-vjeçarin, arrestohet regjisori Petri Bozo

10:13 SPORT

Ftohet shqiptari i fundit që ishte nën urdhrat e trajnerit Maran, publikohet lista e kuqezinjve për miqësoret

Dua të lexoj më shumë lajme