Lajme flash
Tirana do hakmarrje, kuqeblutë dominojnë në Shkodër
24 Shkurt 2026, 22:11 / SPORT
Në prag të javës së 26-të të Superiores, Vllaznia dhe Tirana do të përballen në një nga sfidat më të pritura të futbollit shqiptar. Ky derbi ka një histori të pasur dhe statistikat e fundit tregojnë qartë një dominim të kuqebluve shkodranë.
Në pesë përballjet e fundit në kampionat në Shkodër, Vllaznia ka shënuar katër fitore dhe një barazim ndaj Tiranës. Fillimisht, në 7 tetor 2023, bardheblutë arritën një fitore minimale 1- 0 në Shkodër, por kjo mbetet përjashtimi nga seritë e sukseseve.
Më pas, kuqeblutë rikthyen epërsinë me rezultate të thella, 3-1 më 2 mars 2024, 2-2 më 25 gusht 2024, 2-1 më 10 janar 2025 dhe së fundmi 3-1 më 24 tetor 2025. Këto shifra nxjerrin në pah stabilitetin dhe forcën e ekipit shkodran, sidomos në ndeshjet vendimtare ndaj rivalëve historikë. Përballja e së premtes pritet të jetë një test i madh për Tiranën, që kërkon të sfidojë këtë dominim dhe të prishë serinë e sukseseve të Vllaznisë.
Nga ana tjetër, kuqeblutë e Shkodrës vijnë të motivuar, me grupin e plotë të lojtarëve, përfshirë rikthimin e emrave me peshë si Bekim Balaj, Erdenis Gurishta dhe Lirim Kastrati, të cilët munguan në transfertën e fundit ndaj Bylisit. Kthimi i tyre garanton eksperiencë, stabilitet dhe më shumë alternativa taktike, duke rritur shanset e ekipit për të marrë një fitore vendimtare.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128