Lajme flash
Doli duke qarë nga fusha e lojës, mësohet diagnoza e dëmtimit që pësoi Hakimi përballë Bajernit
5 Nëntor 2025, 18:42 / SPORT
Ashraf Hakimi e mbylli në lot ndeshjen e mbrëmshme mes PSG dhe Bajern Mynih në Ligën e Kampioneve. Mbrojtësi maroken, një nga liderët e parisienëve, pësoi një ndërhyrje të rëndë nga Luis Diaz në fundin e pjesës së parë.
Ai bëri menjëherë shenjë se ishte diçka serioze pasi kishte dëmtuar kaviljen dhe doli i përlotur nga fusha e lojës. Si parisienët, ashtu edhe përfaqësuesja e Marokut ka mbajtur frymën në këto orë derisa është mësuar diagnoza e dëmtimit, pasi mendohej se ishte diçka serioze që do të ndikonte ndjeshëm vijimin e sezonit.
Për fat, është mësuar se ka një dëmtim që do kohë të shërohet, por nuk është më e keqja e mundshme. Klubi parisien bërë të ditur se lojtari do të qëndrojë 2 javë pushim absolut për dëmtimin në kavilje. Më pas do të fillojë fazën ë riaftësimit, që mund të zgjatë nga 4 në 6 javë të tjera.
Kësisoj, ai mund të rikuperohet në fillimin e vitit 2026, ku mund të marrë pjesë në Kupën e Kombeve të Afrikës me Marokun, por rreth pjesës së dytë të turneut që zhvillohet pikërisht në vendlindjen e tij.
Ndërkaq, kanë dalë të dëmtuar nga ndeshja edhe Ousman Dembele dhe Nuno Mendes, të cilët raportohet se gjithashtu do të humbasin disa javë për problemet e tyre, që gjithsesi nuk janë aq shqetësuese sa i Hakimit.
Po ndodh...
Karmën nuk e ndalon dot Sali Berisha!
Nga Bato Kosova
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128