Kosova ka 182 mijë banesa të pabanuara

Saktësisht 182 mijë e 849 është numri i banesave që janë të pabanuara në të gjithë Kosovën, kanë treguar të dhënat më të fundit nga regjistrimi i popullsisë i 2024-s, të cilat i ka publikuar Agjencia e Statistikave.

Bazuar në këto të dhëna, komuna e Prishtinës e ka numrin më të madh të banesave të pabanuara, gjithsej 25 mijë e 195 sosh, e pasuar nga ajo e Prizreni me 16 mijë e 842 dhe Ferizaj, me 15 mijë e 228.

Krahasuar me regjistrimin e fundit të popullsisë më 2011, shifra e banesave të pabanuara është rritur për 83 mijë e 041.

Sipas ASK-së, të dhënat e fundit ofrojnë pasqyrë të detajuar mbi ndryshimet demografike në Kosovë.

“Këto të dhëna ofrojnë një pasqyrë të detajuar mbi popullsinë, grupmoshat, gjininë dhe ekonomitë familjare, duke ndihmuar në analizimin e ndryshimeve demografike ndër vite. Këto të dhëna ofrojnë karakteristika për vendbanimet, statusin e aftësisë së kufizuar, ndërtesat, banesat e ekonomitë familjare si dhe edukimin”, thuhet në njoftimin e ASK-së.

Krahas atyre për banesa, të dhënat e reja të ASK-së tregojnë edhe për numrin e ndërtesave të reja që kanë së paku një banesë të banueshme.

Sipas statistikave, të këtilla në nivel vendi janë 274 mijë e 116. Edhe kjo shifër, krahasuar me regjistrimin e popullsisë të 2011-s është rritur për 26 mijë e 167 njësi.

Rritje krahasuar me 13 vjet më parë ka edhe në numrin e përgjithshëm të banesave. Derisa më 2011 kanë qenë 312 mijë e 711, në të dhënat e regjistrimit të vitit të shkuar figurojnë 556 mijë e 779 sosh.

Agjencia e Statistikave, në dhjetor të vitit të shkuar ka publikuar rezultatet e para përfundimtare nga regjistrimi i popullsisë. Bazuar në këto rezultate, Kosova ka 1,602,515 banorë rezidentë.

Kjo shifër, krahasuar me regjistrimin e 2011-s, është për rreth 150 mijë banorë më e ulët./Monitor

Po ndodh...

00:16 Fjalëkryq

Skemë e lirë 20 dhjetor

22:29 POLITIKË

“AKSHI”/ Kulla: Një USB ka marrë në qafë tërë shtetin, ambasada amerikane iu ka anuluar vizat

22:14 BOTA

Dosja “Epstein”, Departamenti Amerikan i Drejtësisë publikon dokumente të reja lidhur me hetimet ndaj tij

22:04 SONDAZH

A ka të drejtë SPAK që kërkon të arrestojë Belinda Ballukun?

22:02 BOTA

Presidenti Donald Trump nuk përjashton mundësinë e luftës në Venezuelë: Maduro e di saktësisht se çfarë dua

21:49 POLITIKË

BIRN: PS zvarrit pa afat vendimmarrjen për imunitetin e Ballukut

21:42 KOSOVA

Njohja e pavarësisë së Kosovës nga Bahamas, Kurti: Viti 2025 është viti i njohjeve të reja

21:24 POLITIKË

SPAK merr zyrtarisht të pandehur Benet Becin

21:23 BOTA

Operacion kundër trafikut të drogës në Stamboll/ Arrestohet aktorja e njohur turke, në pranga edhe 7 të tjerë

21:16 AKTUALITET

USB-ja me 16 mijë faqe prova për Ballukun, kushti që iu vuri deputetëve kreu i SPAK, Klodian Braho. Refuzoi edhe sugjerimin e Peleshit

20:57 BOTA

Putin kërcënon: Nëse Kaliningradi bllokohet, do të ketë përshkallëzim të paparë ndonjëherë!

20:45 SHOWBIZ

Konfirmohet zyrtarisht një tjetër banor i BBV

20:35 MISTERE&KURIOZITETE

Arkeologët zbulojnë një varr masiv misterioz mbi 3000-vjeçar! Ja çfarë përmbante tuma e lashtë

20:17 SPORT

Egnatia rikthehet në krye të Superiores, mund Partizanin, Dinamo përmbys Vorën

Dua të lexoj më shumë lajme