Lajme flash
“Dështimi i zgjedhjes së presidentit e çon vendin në zgjedhje të reja”, Kurti: Bllokimi i Kuvendit, për shkak të opozitës. Jemi kundër pazareve politike, jo marrëveshjeve
27 Prill 2026, 19:18 / KOSOVA
Kryeministri i Kosovës, Albin Kurti, ka akuzuar opozitën për bllokimin e punës së Kuvendit për një periudhë prej 11 muajsh, gjatë fjalës së tij në seancën parlamentare të thirrur për çështjen e zgjedhjes së presidentit.
Kurti theksoi se Lëvizja Vetëvendosje nuk është kundër marrëveshjeve politike, por kundër “pazareve politike” mes partive. Sipas tij, kompromisi i vërtetë duhet të bazohet në respektimin e rezultatit zgjedhor dhe përgjegjësisë institucionale.
“LVV ka 51.1 për qind të përgjegjësisë për zgjedhjen e presidentit, por jo 100 për qind”, tha Kurti, duke shtuar se fakti që një parti ka më pak deputetë nuk e përjashton nga përgjegjësia.
Ai kritikoi LDK-në dhe PDK-në për mungesë iniciativash konkrete dhe për, siç u shpreh, heshtje ndaj ftesave për bashkëpunim.
Kurti tha se LVV ka bërë përpjekje për zgjidhje duke ftuar krerët e partive opozitare dhe duke propozuar dialog, por sipas tij, opozita nuk ka paraqitur asnjë emër apo propozim për president.
Në fjalën e tij, kryeministri theksoi gjithashtu se ka përfunduar afati kushtetues për zgjedhjen e presidentit dhe paralajmëroi se dështimi për arritjen e një marrëveshjeje mund ta çojë vendin drejt zgjedhjeve të reja, të cilat do të ishin të pestat brenda 16 muajve.
Opozita, nga ana tjetër, e ka akuzuar qeverinë dhe Kurtin për propagandë dhe për shfrytëzim politik të procesit të zgjedhjes së presidentit.
Po ndodh...
Rruga në të cilën po ecën PD me Berishën, të çon në arkën e drurit!
Nga Fitim Zekthi
ide
A ka Shqipëria një politikë të Jashtme?
Nga Ditmir Bushati
Republika e Hajdutëve!
Nga Gjergji Nika
Shqipëria, kjo anije e ngecur në zejen e vjedhjes!
Nga Edison Ypi
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128